Kembang Patrakomala
| Kembang Patrakomala | |
|---|---|
| |
| Kembang merak di Las Végas | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Subfamili: | |
| Génus: | |
| Spésiés: | C. pulcherrima
|
| Ngaran binomial | |
| Caesalpinia pulcherrima | |
Patrakomala atawa Kembang Merak (Caesalpinia pulcherrima L. Sw.) nyaéta tangkal atawa kembang nu asalna ti Amérika Kidul.[1] Tangkal perdu ieu mimitina ngan saukur dijadikeun tangkal hias. Kadieunakeun kanyahoan yén Patrakomala boga sababaraha mangpaat pikeun ngubaran panyakit.[2] Patrakomala sesebutan ngaran nu béda di unggal wewengkon.[3]
Di Sumatra kembang ieu disebut bunga kacang, bunga merak, bunga china atawa jingok. Di Jawa disebut merak-merakan, merak ngigel, merakan, patra menggala atawa kembang abang. Urang Sunda nyebutna kembang patra kombala/gembala atawa kembang Patrakomala. Sedengkeun di Madura disebut mar kegel, merak kagel, merak ngegel jeung parak kagel. Di Sulawesi disebut bunga kacang.[3]
Déskripsi
[édit | édit sumber]Tangkal ieu disebut tangkal perdu, jangkungna bisa nepi 2–4 m. Sakapeung dina cabang jeung rantingna aya cucuk témpél. Kaina warna bodas, padet jeung liat. daunna mangrupa daun majemuk nu nyisi sarta jumlahna genap atawa ganda dua kalawan 4-12 pasang anak daun nu wangunna buleud siga endog. Tungtuna buleud, pangkalna nyiripit, sisina rata sarta permukaana warna héjo. Iwal ti éta permukaan handapna warna héjo semu bulao kalawan panjang 1-3,5 cm sarta legana 0,5-1,5 cm. Nalika peuting daun bakal nguncup.[3]
Kembangna Patrakomala mangrupa daun majemuk nu kasusun dina tandan nu panjangna 6–12 cm sarta legana 1,5 cm eusina buah nu bisa didahar. Lamun buahna geus kolot bakal robah jadi warna hideung. Tangkal ieu bisa dipelak di taman-taman atawa buruan imah minangka tangkal hias.[3]
Sipat Kimiawi, Éfék Farmakologis jeung Zat Kimia
[édit | édit sumber]Sipat kimiawi sarta éfék farmakologis ti kembang Patrakomala nyaéta:
- Kembang: amis sakapeung tawar, boga hasiat ngalancarkeun sirkulasi getih jeung haid, abortivum nu bisa ngalancarkeun haid (éménagogum).[4]
- Kulit kai: kelat, boga hasiat ngalancarkeun haid.
Zat kimia dina kembang Patrakomala nyaéta:
- Kembang boga zat tanin, asam gallat, asam benzoat, résin jeung zat beureum.
- Daun boga zat alkaloid, saponin, tanin, glukosida jeung kalsium sarta oksalat.
- Kulit boga zat plumbagin, lumbagol, zat samak, alkaloid, saponin, tanin, kalsium jeung oksalat.[4]
Ngaran Asing jeung Rupa Patrakomala
[édit | édit sumber]
Iwal ti ngaran Indonésia, ogé aya istilah séjén ti sababaraha nagara nu baris didadarkeun saperti ieu di handap:
- Cina: Siak tiek hua
- Filipina: Bulaklak nang paraiso atawa caballero
- Inggris: Barbados pride, poin cillade, paradise flower, péacock flower atawa small gold mohar.
- San Francisco: Flor de San Francisco
- Malayu: Gelenggang besar.[5]
Rupa-rupa Patrakomala baris didadarkeun numutkeun ngarana saperti ieu di handap:
- Caesalpinia pulcherrima oranye atawa disebut ogé Merakan atawa Dwarf poinciana.
- Caesalpinia pulcerrima 'Compton' atawa kembang Patrakomala beureum ngora atawa Barbados Pride.
- Caesalpinia pulcerrima 'Lutéa' atawa kembang Patrakomala konéng atawa Peacock flower.[5]
Rujukan
[édit | édit sumber]- ↑ Karl Hasskarl, Justus (1845). Aanteekeningen over het nut, door de bewoners van Java aan eenige planten van dat eiland toegeschreven. Universitas Oxford: J. Müller. p. 88. Disungsi8 April 2021
- ↑ Pringgodigdo, Ag. 1973. Ensiklopedia Umum. Yogyakarta: Kanisius
- ↑ a b c d Wijayakusuma, Hembing. 2000. Ensiklopedia Milenium Tumbuhan Berkhasiat Obat Indonesia. Jakarta: Prestasi Insan Indonesia
- ↑ a b Hariana, Arief. 2008. Tumbuhan Obat dan Khasiatnya Seri 2. Depok: Penebar Swadaya
- ↑ a b Ratnasari Juwita. 2007. Galeri Tanaman Hias Bunga. Depok: Penebar Swadaya