Kōnsola szpilōw wideo
 |
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Kōnsola szpilōw wideo – kōmputer ô wyspecjalizowanej architekturze przeznaczōny zaôbycz do sztartowaniŏ szpilōw[1].
Ôpis
[edytuj | edytuj zdrzōdło]W ôpaczności do ôsobistych kōmputrōw kōnsole majōm ôgraniczōny interfejs używŏcza a dostymp do administracyjnych ustawiyń. Zaôbycz niy je tyż możliwe umodernianie podzespołōw[1]. W niykerych kōnsolach możliwe je zainstalowanie w połni funkcjonalnego ôperacyjnego systymu. Kōmputer porzōnd je wrażōny w niysrogim budōnku wyposażōnyj w zdatne złōncza (dlŏ gamepadōw, telewizōra, zasiylaniŏ a inkszych).
Dlŏ kōnsolōw dostympne sōm roztōmajte masziny do sterowaniŏ szpilym, na przikłŏd:
- gamepad[1] (bazowe maszina do sterowaniŏ postaciōm we szpilu)
- arcade stick (zaôbycz do bijatyk, przewijanych strzylanin jak tyż szpilōw na autōmatach)
- gitara abo inksze insztrumynta (do szpilōw muzycznych z seryje Guitar Hero, Rock Band itp.)
- świytlna pistōula (do szpilōw FPS, w kerych niy keruje sie chōdzkōm bohatyra)
- lynkera i depty (do wyścigowych szpilōw)
- mata (do tanecznych szpilōw)
- kerujōnce pokryntło – używane we klasycznych szpilach zorty Pong
- mikrofōn (SingStar, Rock Band, Guitar Hero)
- Wii Remote, PlayStation Move, Kinect, EyeToy – kōntrolery ruchu
Gyneracyje kōnsolōw
[edytuj | edytuj zdrzōdło] |
Przipisy
- ↑ 1,0 1,1 1,2 Konsola – handheld. Gry-Online. [dostymp 2021-02-16].