John Hicks
XIKS (Hicks) ser Jon Richard (1904.8.4, Uorik 1989) - ingliz iqgisodchisi. Oksford universitetida oʻqigan (1922—26), Londondagi iqtisodiyot maktabida dars berdi (1926—1935). Manchester (1938—46) va Oksford (1952—65) universitetlari professor Oʻz asarlarida iqtisodiy nazariyadagi matematika maktabining umumiy iqtisodiy muvozanat nazariyasi va eng yuqori naflilik nazariyasi gʻoyalarini rivojlantirdi. Shuningdek, iqtisodiy oʻsish va ish haqi muammolarini oʻrgandi. Asosiy asarlari: "Ish haqi nazariyasi", 1932; "Iqtisodiy sikl nazariyasiga doir", 1950; "Kapital va iqtisodiy oʻsish", 1965; "Keynschilik iqtisodiy nazariyasining inqirozi", 1974 va boshqa U iqtisodiy tarix nazarisiga ham muhim hissa qoʻshdi, ayniqsa, iqtisodiy rivojlanishning tarixiy mantigʻini keng yoritdi. Nobel mukofoti laureati (1972; K.Errou bilan birga).
Manbalar
[tahrir | manbasini tahrirlash] | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |
