Gabriele Falloppio

Biografia

El ga studià da autodidata anca se po'l ga frecuentà łe Università dei Studi de Padoa (indove el ga seguìo łe łesion de Realdo Colombo) e de Ferrara e el xe stà arlevo de Giovanni Battista Monte.

Inte el 1547 el xe deventà profesor de farmacia a l'ateneo estense, mentre inte el 1548 el ga açetà ła catedra de anatomia a l'Università de Pisa. Infin, inte el 1551, de anatomia, chirurgia e de botanega a l'Università dei Studi de Padoa, indove el xe restà fin a ła morte. So arlevi iłustri xe stai Girolamo Fabrici d'Acquapendente, Marcello Capra, Antonio Minutoli e Volcher Koyter^[1].

Ecesionałe setor, el xe stà autor de mirabiłi scoverte anatomiche, co contributi fondamentałi in osteołoxia, miołoxia, splancnołoxia. Inte i so numaroxi studi anatomici el ga descrivesto ła strutura exata de łe tronbe uterine (ciamae perciò anca tube de Falloppio), dei muscołi ocułomotori, de ła chorda tympani, de ła bogonèła osea e de l'acuedoto del vestiboło^[2]. El ga publicà inte el 1561 łe Observationes anatomicae, indove el ga sunà tuti cuełi reperti che rexultava contrastanti co cuanto xera stà afermà da Galeno e da altri autori, in partegołar modo Andrea Vesalio. Molte altre so ópare XE stae publicae drìo ła so morte e, drìoman, sunae inte l''Opera omnia.

Oltra a èsar stà un dei siensia piasè inportanti de ła storia de l'anatomia, ga dà contributi inportanti anca in anatomia conparada, botanega, fixiołoxia, farmacołoxia e medexina termałe. Mèdego risercà, el ga avesto na estexa clienteła che ło ciamava a consulto da ogni parte de Itałia: in tal senso el xe anca ricordà par aver curà e guarìo Paolo Manuzio^[3]. Co'l zera a Pisa, indove el xe restà so invito de Cosimo I de' Medici, el xe stà anca acuxà de praticar ła vivisesion so i condanati a morte^[4].

L'editor De Maria ghe ga atribuìo un vołume de segreti medexinałi, ma el so arlevo Andrea Marcolini ga smentìo decixamente l'atribusion^[5]

Moristo a cuarant'ani, el xe stà sepełìo inte el Giostro del xenerałe de ła Baxéłega de Sant'Antonio da Padoa^[6].

El goldón

Inte l'Itałia del XVI sècoło Falloppio scrive ła prima descrision incontestàbiłe de l'uso del goldón. El so testo intitołà De Morbo Gallico (Ła małatia fransexa) riferentesi a ła sifiłide èel xe stà publicà inte el 1564, do ani drìo ła morte de l'autor. In sto tratado vien racomandà l'uxo de un dispoxidivo che el sostegneva d'aver inventà: vaxìne de łìn inbonbà de na sołusion chimica e łasà sugar prima de l'uxo.

Prima edision de l'Opera Omnia de Falloppio

Ópere prinsipałi

Observationes anatomicae, Venezia 1561, poi Colonia 1562 (on line) e Parìxe 1562 (on line)
Secreti difarenti et miracolosi ne' quali si mostra la via facile di risanare le infirmità del corpo humano, Venezia 1563 (on line)
De medicatis aquis atque de fossilibus, Venezia 1569 (on line)
De morbo gallico, Venezia 1574 (on line)
De ulceribus, Venezia 1577 (on line)
Opera omnia (1584; 1600; 1606).

Notasion

↑ L. Sterpellone, I protagonisti della medicina, Piccin 1983, pp. 118-119, ad vocem
↑ G. Armocida, Storia della medicina, Jaka Book, Milano 1993, p. 28
↑ G.M. Mira, Manuale teorico-pratico di bibliografia, vol. I, Palermo 1861, p. 346
↑ L. Sterpellone, op. cit., p. 119.
↑ Marcolini, Andrea, De medicatis aquis atque de fossilibus: Tractatus pulcherrimus, ac maxime utilis, Ex officina Stellae, Jordanis Ziletti, 1564.
↑ B. Gonzati, La Basilica di S. Antonio di Padova, vol. II, Padova 1853, pp. 194-195

Bibliografia

Pazzini A., Storia della Medicina, Milano, 1947.
Premuda L., Storia della Medicina, Padova, 1960.

Altri projeti

Wikimedia Commons el detien imàjini o altri file so Gabriele Falloppio
Scholia el detien schemi gràfeghi so Gabriele Falloppio

Linganbi foresti

Fallòppia, GabrieleTreccani.it – Enciclopedie on line, Istituto de ła Ençiclopedia Italiana.
Giuseppe Favaro, FALLOPPIA o Falloppio, Gabriele, in Ençiclopedia Italiana, Istituto de ła Ençiclopedia Italiana, 1932.
Fallòppia o Fallòppio, Gabrièlesapere.it, De Agostini.
(EN) Gabriel FallopiusEnçiclopedia Britannica, Encyclopædia Britannica, Inc.
Gabriella Belloni Speciale, FALLOPPIA, Gabriele, in Dizionario biografico degli italiani, vol. 44, Istituto dell'Enciclopedia Italiana, 1994.
(EN) Gabriele FalloppioMathematics Genealogy Project, North Dakota State University.
Opere di Gabriele FalloppioopenMLOL, Horizons Unlimited srl.
(EN) Opere di Gabriele FalloppioOpen Library, Internet Archive.
(EN) Gabriele Falloppio, in Catholic Encyclopedia, Robert Appleton Company.

Controło de autorità	VIAF (EN) 9898766 · ISNI (EN) 0000 0001 2120 2320 · El vałore BVEV020493 de SBN no el xe mija bon. · LCCN (EN) n86005763 · GND (DE) 117498564 · BNF (FR) cb12215681p (data) · BNE (ES) XX1650455 (data) · BAV ADV10163924 · CERL cnp01876568 · WorldCat Identities (EN) n86-005763

[1] L. Sterpellone, I protagonisti della medicina, Piccin 1983, pp. 118-119, ad vocem

[2] G. Armocida, Storia della medicina, Jaka Book, Milano 1993, p. 28

[3] G.M. Mira, Manuale teorico-pratico di bibliografia, vol. I, Palermo 1861, p. 346

[4] L. Sterpellone, op. cit., p. 119.

[5] Marcolini, Andrea, De medicatis aquis atque de fossilibus: Tractatus pulcherrimus, ac maxime utilis, Ex officina Stellae, Jordanis Ziletti, 1564.

[6] B. Gonzati, La Basilica di S. Antonio di Padova, vol. II, Padova 1853, pp. 194-195

[1]

[2]

[3]

[4]

[5]

[6]