Mika
 (2022)  | |
| Nome orizenałe | (en) Mika Penniman |
|---|---|
| Biografia | |
| Nasimènto | (en) Michael Holbrook Penniman Jr. 18 de agosto del 1983 (41 ani)Beirut (Lìbano) |
| Dati personałi | |
| Altri nomi | MIKA |
| Formasion | Westminster School (it)  Royal College of Music (it) Lycée Français Charles de Gaulle (it) |
| Atività | |
| Ocupasion | |
| Atività | 2006 – |
| Zènare | Pop, power pop (it) , glamrock e rock alternativo |
| Voze | Tenor |
| Instrumento muzicałe | Tastiera elettronica (it) , Pianoforte, sintetizador, Keytar (it) e voze |
| Targheta discogràfega | |
| Sito web | yomika.com |
 
             | |
Mika, pseudònimo de Michael Holbrook Penniman Jr. (Beirut, 18 de agosto 1983), el ze un cantaudor e showman łibanezo naturałizà britànego.
El ga scumisià ła só aseza a'l suceso inte'l 2007 grasie a'l singoło Grace Kelly, che'l ga scałà łe clasifeghe de numarozi paezi. Contenporaneamente ga otenjùo un òtemo suceso anca el só disco de ezordio, Life in Cartoon Motion, che'l ghe ze vałesto cuatro World Music Awards inte'l 2007 e da'l cuało ze stà tirà zo altri singołi de suceso, come Love Today e Relax, Take It Easy. El só segono àlbun The Boy Who Knew Too Much, el ze stà publegà inte'l 2009 e el contien drento n'altre canson de suceso, come We Are Golden e Kick Ass (We Are Young) e l'è stà sertifegà disco de platino.
The Origin of Love el ze el terso àlbun, publegà el 25 setenbre 2012, contenjente canson de suceso come Celebrate, Underwater e Stardust. El 12 novenbre 2013, par el soło marcà itałian, A ze venjùa fora ła rancura Songbook Vol. 1, contenjente dizisete brani ciapà fora dai so tre presedenti łaori, un inedito (Live Your Life) e do nove varsion de altratanti brani za editi e revizitài par l'ocazion (Origin of Love e Happy Ending).
El cuarto àlbun in studio, No Place in Heaven el ze venjeso fora dizitalmente el 15 zunjo 2015 e fizegamente el zorno drio. L'àlbun el ze stà antisipà dai singołi Boum Boum Boum (zunjo 2014), Talk About You, Last Party (aprile 2015) e Good Guys (inisialmente prezentà a ła final de'l talent show X Factor Italia e inte ła varsion franseza de The Voice e drioman usìo ofisialmente el 2 majo 2015).
El so pop «caleidoscòpego» e venà de dance el fonda le rìze inte l'indie rock e inte'l glam rock. Calcheduni i ga acostà l'artista ad Elton John, Queen, Rufus Wainwright e Scissor Sisters.