Regno (tasonomia)

Sta voxe ła xe parte de ła sèrie Clasifegasion sientìfega

Projeto:Forme de vita Domìnio Regno Sotoregno Infraregno o Rama Superphylum Phylum (o Tipo o Divizion) Subphylum (o Sototipo o Sotodivizion) Infraphylum Microphylum Nanophylum Superclase Clase Sotoclase Infraclase Parvclase (o Subterclase) Magnórdene Superórdene Órdene Sotórdene Infraórdene Parvórdene Superfameja Fameja Sotofameja Infrafameja Supertribù Tribù Sototribù Infratribù Zènaro Sotozènaro Spece Sotospece Rasa (zoołozia) o Varietà (botànega) Stipite (virołozia) Clade, Lejon e Coorte (pozision variàbiłe)

[cànbia]

El regno el xe el grupo tasonòmego de liveło zeràrchego pì ełevà che ze sta condividesto da ogni clasifegasion sientìfega, el ze stà introduzesto za da Lineo. El liveło zerarchegamente superior, sucesivamente introduzesto, el ze el dominìo.

Inte el prinsìpio Lineo el ghea dividesto el mondo dei viventi, segondo el critero de ła mobiłità, inte i regni animałi e vezetałi: rispetivamente Animalia e Plantae.

Col prosédar de łe conosense biołòzeghe sta divizion ła ze rezultada insostenìbiłe vedendo che:

• el regno vezetale el ciapava drento sia autotrofi che eterotrofi cofà i fonghi;
• intrà i microorganismi, specie affini łe rezultava apartegner a regni difarenti cofà par ezénpio inte i flazełai;
• el regno dei vezetałi el gheva drento organismi sia eucarioti che procarioti, parché i bateri i zera stai inisialmente inserii intrà i vezetałi.

Ancuò i ze tipegamente riconossti, a segonda dei schemi clasifegadivi adotai, fin a sete difarenti regni, variamente agregai dai difarenti autori, e co concesion o no del taxon de regno a ła relativa sudivizion. Ghe ze isteso altre clasifegasion pì conpate, condivideste sientifegamente, par deso, da on baso nùmaro de risercadori.

1. Bacteria, bateri o anca solo eubateri, in senso streto, o sia privai dei Archaea, conprendente ła majorparte dei procarioti;
2. Archaea, procarioti co caratarìsteghe biochimeghe ùgnołe, prinsipalmente de conpozision de ła menbrana sełułare, frecuentemente viventi in condision anbientałi estreme par conpozision chìmega, presion e tenperadura, definii da Carl Woese inte el 1977.
3. Protista, protisti, o protozoi in senso streto, costituio dai Eucarioti unisełułari o plurisełułari, sensa diferensiamento in tesùdi, escludesti i fonghi;
4. Chromista, deso Chromalveolata; cromisti eucarioti unisełułari o plurisełułari, par ła majorparte fotosintèteghi, co caraterìsteghe pròpie, cofà el retìcoło periplastidiałe, el cloroplasto costituio da cuatro menbrane ect., definii da Thomas Cavalier-Smith inte el 1981 (controversa l'atribusion de regno al grupo che par èsare połifilètego).
5. Fungi, fonghi, eucarioti eteròtrofi, unisełułari o plurisełułari, individuai par racuante partegołarità struturali e metabòłeghe;
6. Animalia, animałi, costituio dai organismi eteròtrofi co difarensiamento sełułare.
7. Plantae, piante, costituio dai organismi autòtrofi co difarensiamento sełułare (segondo racuanti studiozi el grupo el połe èsar formà anca sensa sto difarensiamento);

Oltre che a sti cuà, ze riconosesto inte ła biołozia (co vałor racuanto controverso visto che nol fa parte dei biota e parché połifiłètego) un otavo "regno", cheło dei Virus e simiłari (cofà i viròidi e altri oncora) che el ciapa drento tuti i organismi co zenoma de DNA o RNA e privi de na strutura sełułare.

Ła situasion pena descrivesta cuà sora, ła ze stada tolta pozitivamente da tuti i studiozi, co calche variante, che łe riflete el dibàtito sientìfego so l'orìxane e so l'evołusion de ła vita. Par ezénpio, Thomas Cavalier-Smith (varda schema cuà soto) no el ghe riconose pì vałidità al regno Archaea, riportando de novo sti microrganismi drento el regno dei Bateri, e invese el divide el regno dei Protisti inte i do regni dei Cromisti e dei Protozoi.

Na clasifegasion pì detajada ła podaria èsar:

1. Bacteria, bateri o anca solo eubateri, in senso streto, o sia privai dei Archaea, conprendente ła majorparte dei procarioti;
2. Archaea, procarioti co caratarìsteghe biochimeghe ùgnołe, prinsipalmente de conpozision de ła menbrana sełułare, frecuentemente viventi in condision anbientałi estreme par conpozision chìmega, presion e tenperadura, definii da Carl Woese inte el 1977.
3. Excavata
4. Rhizaria
5. Chromalveolata; cromisti eucarioti unisełułari o plurisełułari, par ła majorparte fotosintèteghi, co caraterìsteghe pròpie, cofà el retìcoło periplastidiałe, el cloroplasto costituio da cuatro menbrane ect., definii da Thomas Cavalier-Smith inte el 1981 (controversa l'atribusion de regno al grupo che par èsare połifilètego).
6. Plantae, piante, costituio dai organismi autòtrofi co difarensiamento sełułare (segondo racuanti studiozi el grupo el połe èsar formà anca sensa sto difarensiamento);
   1. Piante verdi
   2. Glaucophyta
   3. Rhodophyta
7. Amoebozoa
8. Fungi, fonghi, eucarioti eteròtrofi, unisełułari o plurisełułari, individuai par racuante partegołarità struturali e metabòłeghe;
9. Cristidiscoidea
10. Ichthyosporea
11. Choanoflagellata
12. Metazoi, animałi, costituio dai organismi eteròtrofi co difarensiamento sełułare.

Progresion schemàtega de ła clasifegasion dei regni

Linneo (1735) Do regni	Haeckel (1866) Tri regni	Chatton (1925) Do grupi	Copeland (1938,56) Cuatro regni	Whittaker (1969) Sìncue regni	Woese (1977,90) Tri domini	Cavalier-Smith (1998) Do domini e siè regni
Animalia	Animalia	Eukaryota	Animalia	Animalia	Eukarya	Eukaryota	Animalia
Vegetabilia	Plantae		Plantae	Plantae			Plantae
			Protoctista	Fungi			Fungi
				Protista			Chromista
No reconosesti	Protista						Protozoa
		Prokaryota	Monera	Monera	Archaea	Prokaryota	Bacteria
					Bacteria

Bibliografia

• Caroli Linnaei (1735) Systemae Naturae, sive regna tria naturae, systematics proposita par classes, ordines, genera & species. Ex typographia Joannis Wilhelmi de Groot. (1a Ed.)
• E. Haeckel (1866). Generelle Morphologie der Organismen. Reimer, Berlin.
• Chatton, E. (1925). Pansporella perplexa. Réflexions sur la biologie et la phylogénie des protozoaires. Ann. Sci. Nat. Zool. 10e serie, VII:1-84
• H. Copeland (1938) The kingdoms of organisms, Quarterly review of biology v.13, p. 383-420.
• H. Copeland (1956) The classification of lower organisms, Palo Alto, California, Pacific Books, 1956
• R. H. Whittaker (1969). New concepts of kingdoms of organisms. Science 163: 150–160.
• C. R. Woese & G. E. Fox (1977). "Phylogenetic structure of the prokaryotic domain: The primary kingdoms (archaebacteria/ eubacteria/urkaryote/16S ribosomal RNA/molecular phylogeny)". Department of Genetics and Development, University of Illinois. Proc. Natl. Acad. Sci. USA Vol. 74, No. 11, pp. 5088-5090, Nov.77.
• Carl R. Woese, Otto Kandler, Mark L. Wheelis (1990): "Towards a Natural System of Organisms: Proposal for the domains Archaea, Bacteria, and Eucarya", doi:10.1073/pnas.87.12.4576.
• Cavalier-Smith, T. (1998). A revised six-kingdom system of life. Evolutionary Biology Programme, Canadian Institute for Advanced Research, Department of Botany, University of British Columbia, Vancouver, EC, Canada V6T 1Z4.
• Cavalier-Smith, T. (2004). Only six kingdoms of life. Proc. R. Soc. Lond. B 271: 1251-1262. (pdf qui).

Védarse anca

• Clasifegasion sientìfega
• Sistemàtega
• Nomenclatura binominałe

Altri projeti

• el detien schemi gràfeghi so

Linganbi foresti

• C.R.Woese (2000, in inglese) (ligo ronpesto dispunìbiłe in Internet Archive; védarse el istòrego, la prima version e ła ùltema).

, C.R.Woese (2003, in inglezo) Archivià il 5 de aprile 2005 in Internet Archive.

• Classificazione di T.Cavalier-Smith (2004, in inglezo)
• Fukami-Kobayashi e altri (2007, in inglezo)

• (EN) kingdom / kingdom (altra versione)Ençiclopedia Britannica, Encyclopædia Britannica, Inc.