伐伦西亚大区

伐伦西亚大区个旗

伐伦西亚大区（西文：Comunidad Valenciana，伐伦西亚文：Comunitat Valenciana）是伊比利亚半岛国家西班牙境内个一个自治大区。具体位置立在西班牙个东部，挨牢地中海，西面是卡斯蒂亚-拉曼查大区，北面是加泰隆大区，南面是穆尔西亚大区。伐伦西亚大区面积2万3千多平方千米，人口超过五百万，是西班牙人口第四多个大区（排勒马德里大区、加泰隆大区搭安达卢西亚大区之后），也是第三大城市伐伦西亚个所在地。此地1238年畀阿拉贡王国个哈梅一世光复。之后一脚属阿拉贡王国管辖，乃朝通用伐伦西亚文搭卡斯蒂亚文。