杜阿·利帕

杜阿·利帕（吴语好译作杜亚·丽派^{dú-á lí-p'á}。洋文：Dua Lipa，英文发音 /ˈduːə ˈliːpə/ DOO-ə LEE-pə, 阿尔巴尼亚文发音 [ˈdua ˈlipa]。1995年8月22号－），英国歌手搭词曲作家，爷娘是养在拉科索沃个阿尔巴尼亚人。

杜亚·丽派音乐生涯14岁起步，因为邪气欢喜红粉佳人搭妮莉·费塔朵两个歌手唱个歌，翻唱好仔以后传在拉YouTube上向咾乃么出名哉。2015年，搭华纳音乐签仔合同；弗过多时，便发布个人第一首单曲哉。

杜亚·丽派个女中音音域搭仔受着迪斯科影响个风格是交关有名，广受好评。得奖、提名也是弗弗少少，包括六趟全英音乐奖、三趟葛莱美奖、两趟MTV全欧音乐大奖、一趟MTV音乐录像带大奖、两趟公告牌音乐奖、一趟全美音乐奖搭仔两趟吉尼斯世界纪录。