ენტონი ჰოპკინზი
| ენტონი ჰოპკინსი | |
 | |
| დაბადებაშ ჯოხო | ფილიპ ენტონი ჰოპკინსი |
| დაბადებაშ აბანი | პორტ ტალბოტი, უელსი, დიდი ბრიტანეთი |
| დებადჷ | 31 ქირსეთუთა, 1937 |
| საქვარუა | არტისტი |
| აკოქიმინჯალაშ წანეფი | 1967–ასეშა |
| ალმასქუ(ეფი) | პეტრონელა ბარკერი (1967–1972) (დეთხუ) ჯენიფერ ლინტონი (1973–2002) (დეთხუ) სტელა აროიავი (2003–ასეშა) |
სერ ენტონი ჰოპკინზი (ინგლ. Anthony Hopkins; დ. 31 ქირსეთუთა, 1937) — უელსარ–ამერიკალი არტისტი, ნამუთ სრულენს როლეფს ფილმეფს, თეატრეფს დო ოტელევიზიე შოუეფს. ჰოპკინზი აღიარებული რე ართ-ართ უდიდაშ არტისტო[1][2][3][4]. თინა ჩინებული რე კანიბალიზმიშ მიმათხოზინალი სერიული მაჸვილარიშ, ჰანიბალ ლექტერიშ გასახიერებათ 1991 წანაშ ფილმის კირიბეფიშ შურიშქალი, ნამუშოთ თიქ მიღჷ ამერიკული კინოაკადემიაშ ოსკარიშ ჯილდო ნომინაციას საუჯგუშო კოჩი არტისტი. თიში ფილმეფიშე ოშინალი რე ადამიერი მუნჭყვი, დრაკულა, დამორჩილიშ ლეგენდეფი, დღაშ გინასქილედეფი, ზოროშ მარშიმი, მოსოფელიშ უცხვანტაში ინდიანი, გოჸინილი გურეფი, ნიქსონი, გინოტახუა დო შხვა. ჰოპკინზი დებადჷ დო მირდჷ უელსის, 2000 წანაშ 12 პირელს მიღო ააშ-იშ მონოღერობა. 2003 წანას თის გოუნწყეს მურიცხი ჰოლივუდიშ დიდებუაშ ოჯალე. ოსკარიშ ჯილდოწკჷმა ართო, ჰოპკინზის მობებული აფჷ გეჸვენჯი პრიზეფი: სუმი ბრიტანული აკადემიაშ ფილმეფის ჯილდო, ჟირი ემი, ორქოშ გლობუსი დოშხვა.
ბიოგრაფია
[რედაქტირაფა | წყუშ რედაქტირაფა]ორდოიანი წანეფი
[რედაქტირაფა | წყუშ რედაქტირაფა]ჰოპკინზიქ დებადჷ მარგამის, პორტ ტალბოტი, უელსი. მასქერეფი მურიელ ანი დო რიჩარტ არტურ ჰოპკინზი - ქობალიშ მაჭვალი.[5] სკოლაშ პერიოდი ენტონიშო რდჷ უგამაგე. ჭიჭე ხანიშ უკული თიქ მეხვად, ნამდა თის უღუდ ნიჭი ხელუანობას, მუჭომით რე ხანტუა, პიანინოს მეგამა დო თ.უ. 1949 წანას მასქერეფიშ დაჟინებული თხუალათ ენირიცხჷ ჯოუნსიშ ბჟადალურ მონმაუზიშ ბოშეფიშ სკოლას პონტიპულს, უელსი. ჰოპკინზიქ ჯოუნსიშ სკოლას იგურუ ხუთი სემესტრი, უკული ქოთ გაგინძორჷ გურაფა ქოუბრიჯიშ ოშქაშე სკოლას, ქოუბრიჯი, უელსი[6].
15 წანაშ ხანს ჰოპკინზიქ შეხვდჷ რიჩარდ ბარტონს. წორო თიქ ქალუჭვათუ დო ხე უნწყუ ჰოპკინზის არტისტობაშე. საბოლოთ, 1957 წანას, ჰოპკინზიქ გათუ მუსიკაშ დო დრამაშ ომაფე ვალიური კოლეჯი[7], კარდიფის, უელსი. ჟირწანიანი არმიას ინალობაშ უკული, თინაქ მიდეშარჷ ლონდონშა, სოდეთ დიჭყჷ ხაზირუა დრამატული ხელუანობაშ ომეფე აკადემიას.[8]
კარიერა
[რედაქტირაფა | წყუშ რედაქტირაფა]1965 წანას, რეპერტუარიშ უკული, ჰოპკინზის მიოგორუ ლოურენს ოლივიექ, ნამუქჷთ მიარზიუ თის ერუანული ომეფე თეატრიშ კათინი[7]. ჰოპკინზი მუ რაგად ოკოჰოია თქჷ მერზიას, უკული ოლივიერიშ მათირექჷთ იჸუ.
თეატრის წჷმოძინაშ უმკუჯინუო, ჰოპკინზიქ დოშურდჷ ართი დო იგივე როლეფიშ სრულებათ. თის უღუდჷ ნჭუაფა კინოარტისტუაჸურე. 1968 წანას თიქ გასახიერჷ რიჩარდ I ფილმის „ნჯილო ზოთონჯის. თიწკჷმა ართო ფილმის ლაჸაფენდეს პიტერ ო'ტული, კათრინ ჰეპბერნი დო ჯეიმზ ბონდიშ მურიცხი ტიმოტი დალტონი, ნამუთიქ გასახიერჷ საფრანგეთიშ მაფა ფილიპ II.
თეატრის მენჭაფილი წჷმოძინეფიშ უმიკუჯინუო (ოშინალი რე ერუანულ თეატრის რსულებური ლამბერტ ლე როუქსიშ როლი დევიდ ჰეირიშ დო ჰოვარდ ბრენტონიშ სპეკტაკლის პრავდა, ხოლო ენტონიშ როლი ენტონი დო კლეოპატრას ჯუდი დენჩწკჷმა ართო), თინა ჭიი-ჭიეთ ანებენდჷ დუდს თეატრალურ არტისტუას დო გინიშჷ ტელე დო კინო ოქიანუშა. თიში დებიუტიქ იჸუ 1967 წანას ბი-ბი-სიშ ტელეგინოჩამას – ჭანდი თიშ ჸუჯის, სოდეთ თიქ ილაჸაფჷ კუნტა ეპიზოდის. ჰოპკინზიშ ოტელევიზიე კარიერაშ მაართა ნაბიჯგეფიშე გჷშაკერძაფილო ოშვენალი რე პიერ ბეზუხოვიშ როლი ოტელევიზიე სერიალს ლჷმა დო შვიდობა (1972), ნამუთ გინოღალირი რე ლევ ტოლსტოიშ ათე ჯოხონობაშ რომანიშ მეჯინათ. ათეშ უკული თის აჸუ მიოხუჯაფალქ დიდ კარიერაწკჷმა, მიარე ოვაციაშ დო გომორძგვილ ჯილდოეფწკჷმა. ჰოპკინზის მეჩეს ბრიტანული იმპერიაშ სარდალიშ ჯოხონუა 1987 წანას, 1993 წანას რაინდ-ბაკალავრიშ ჯოხონობა.[9][10] 1996 წანას ჰოპკინზი დაჯილდეს ოპატიე ომაჸალეშო უელსიშ უნივერსიტეტიქ[11], ლამპეტერი.
2006 წანას ჰოპკინზიქ იჸუ ორქოშ გლობუსიშ სესილ ბ. დემილიშ ჯილდოშ მაღვენჯიქ რინას მენჭაფილი წჷმოძინაშო[12]. 2008 წანას თინაქ დეჯილდუ ბრიტანული აკადემიაშ ფილმეფიშ დოჯილდაფაშ მაჸალობაშ ჯილდოთ[13].
ჰოპკინზიქ ასახიერჷ ოდინი ფილმ თორის, ნამუთ Marvel Comics-იშ ადაპტაცია რე დო გიშართჷ 2011 წანას.[14] 2010 წანაშ 24 ღურთუთას იჸუ , ნამდა ჰოპკინზი არსულენდჷ თარი როლს ორთული თრილერს რიტუალი. თიქ ილაყაფჷ პაპაშ როლი, ნამუთ რე "ეგზორციზმიშ ექსპერტი დო თიში მეთოდეფით ვარე აუცილებერო ტრადიციული".[15]
არტისტალაშ სტილი
[რედაქტირაფა | წყუშ რედაქტირაფა]
ჰოპკინზი ჩინებული რე მუში როლეფიშო საწმოხონო ოსხირული ზადაფათ. გვალო თენა არზენს თის ანჯას როლი გასახიერას დახე გვალო ორთაშობურო, მუთ მარშიმუნს თიშე ოწმახეთ მიკოკინელ მაზადაფალი სამუშაშ მასშტაბის. ათეშ გეშა თის შხირას მორთუმ კონფლიქტი რეჟისორწკჷმა, ნამუთ სცენარიშე გინორთას იკორინუანს, ვარდა არტისტიშე გინოწუმილი მუდანობაშ დუბლეფიშ გინოღალას ითხინს. ჰოპკინზიშ ნარაგადით, სცენას მუშობაშ სრულებაშ უკული, თინა უბრალეთ სრულას იჭყოლიდუანს თიში დიალოგიშ რანწკეფს.[16] რიჩარდ ატენბოროშ, ნამუქჷთ ჰოპკინი ხუთ შხვადოშხვა ფილმის გინიღჷ, 1993 წანას ფილმის "ოროეფიშ ქიანა" გინოღალეფს ღობერძგულო გაუჭირდჷ ჰოპკინზიშ დო დებრა უინგერიშ ჭკობაშ ართიანწკჷმა მეხუჯაფას.
ათეწკჷმა ართო, ჰოპკინზის მეგურაფაშ ნიჭი უღჷ. თინა მიშუძინანს მუშ ვალიურ აქცენტის თი აქცენტწკჷმა, ნამუსჷთ პერსონაჟი ითხინსჷნ. თიქ დუბლირაფა უღოლჷ თიში ბოლო დუმარიგებელიშ, ლოურენს ოლივიერიშ ხონარს, გეძინელ სცენეფს ფილმ სპარტაკის 1991 წანაშ რემეიკის.
პიჯული რინა
[რედაქტირაფა | წყუშ რედაქტირაფა]2007 წანას ჰოპკინზიქ ხეახალშო გინორთჷ ოხორალო ააშ-შა. მაართათ თინაქ იდჷ ამერიკაშა 1970–იან წანეფიშ ფილმეფიშ კარიერაშ გაუჯგუშაფალო, მარა 1980–იან წანეფიშ ბრიტანეთშა დირთჷ. 1990–იან წანეფს მენჭაფილი წჷმოძინაშ გეშა, ჰოპკინზიქ გინოჭყვიდჷ კინ ამერიკაშა დორთინა. 2000 წანაშ 12 პირელს ჰოპკინზიქ იჸუ ამერიკაშ სრულნებამი მენოღალექ, მუთ ქიანაშ მუკ-მუკი 3000 მილიანი სქირონაშ შარალუათ ოშინჷ[11].
ჰოპკინზი ნაგურგინა რე სუმშა. თიში მაართა ჟირი ჩილი ივნენ პეტრონელა ბარკერი (1967–1972) დო ჯენიფერ ლინტონი (1973–2002). ამდღარშო ჰოპკინზი გურგინელი რე კოლუმბიას დუნაბადი სტელა აროიავიწკჷმა. მაართა ჩილშე ჸუნს ცირასქუა, აბიგაილ ჰოპკინზი (დ. 20 მარაშნათუთა, 1968), ნამუთ რე არტისტი დო მობირე.
თის აფჷ მერზიებული თიში ხუჯი შხვადოშხვა ჩეჟქიმინუეფს დო ელაჩამეფს. თინა ხოლო რე მოხალისე მაგურაფალი რუსკინიშ არტისტალაშ სკოლას სანტა მონიკას, კალიფორნია, სოდეთ თინა ოხორანსჷნ.
ჰოპკინზი გოხვალამირი ალკოჰოლიკი რე. თინა გილეშჷ 12-ეტაპიან აკოხვალამეფშა ალკოჰოლი ჸურე მისით უდირკუ ხენ თინეფიშ გაჩერებელო[17]. წორო ათეშ მოხვარათ, 1975 წანას, ჰოპკინზიქ მიოტუ ალკოჰოლიშ შუმა. ჰოპკინზიშ ნარაგადით TMZ-წკჷმა 2010 წანაშ გჷმათუთასს, თინა რე ვეგეტარიანელი. 2008 წანას თინა დაკინებული რდჷ წონაშ დარკებაშ პროგრამათ დო უკვე 2010 წანაშო თიქ დირკჷ 80 გირვანქა (დახოლ. 36 კგ)[18]
1992 წანას თიქ მაართათ დაჭყაფუ ინტენსიური ნარკოტიკეფიშ დო ალკოჰოლიშ რეაბილიტაცია დაუნვაივიშ ჯიხაშ პატიმარეფს.
შხვა ნახანდეფი
[რედაქტირაფა | წყუშ რედაქტირაფა]ჰოპკინზი რე ნიჭიერი პიანისტი. 1986 წანას, თიქ გიშაშქჷ სინგლი, ჯოხონუათ "დათხიებული მუხირცხი". სინგლიქ ეჭოფჷ 75-ა აბანი ბრიტანეთის ჩარტის. 2007 წანას ჰოპკინზიქ გაცხადჷ, ნამდა კუნტახანურო ოკოდ სცენას დეხიუკონ დო მოსოფელიშ მუკ-მუკი იშარალუკონ.[19] თის უღჷ ნაჭარა მუსიკა ოკონცერტე დარბაზეფიშო სტეფან ბარტონწკჷმა ალმახანდუათ. ათე კომპოზიციეფი იკათუანს "ბორჯიშ მარშიმს", ნამუშ მოსოფელიშ პრემიერაქ იჸუ დალასიშ სიმფონიურ ორკესტრის 2008 წანაშ გჷმათუთას. ხოლო ოშინალი რე კომპოზიცია "შიზოიდური სალსა".
1996 წანას, ჰოპკინზიქ გიშაშქჷ მაართა ფილმი მარაშინათუთა, ნამუთ გინოღალირი რე მუშ რეჟისორალათ. ფილმიშ სცენარი რე ჩეხოვიშ ნახანდეფიშ, ბიძი ვანიაშ ვერსია. თიქ მაართაქ ჭარჷ სცენარი ექსპერიმენტული დრამაშ, პროპელერიშ მარჩხალშო, ნამუშ პრემიერაქ იჸუ სანდენსიშ ფილმეფიშ ფესტივალს 2007 წანას..
ჰოპკინზის ნალაჸაფინა აფჷ ბრელი ჩინებული ისტორიული დო გჷმოგონილი პერსონაჟი, თინეფ შქას:
ჯილდოეფი
[რედაქტირაფა | წყუშ რედაქტირაფა]ენტონი ჰოპკინზი რე ოსკარიშ მაღვენჯი არტისტი, ნამუსით ხოლო გომორძგვილი ააფჷ 37 შხვა ჯილდო დო წუმორინაფილი რე 30 ნომინაციას.
კირიბეფიშ შურიშ ქალით მუნაგებ ოსკარწკჷმაართო, ჰოპკინზი ნომინირებული რე გეჸვენჯი ფილმეფიშო: დღაშ ნასქილადუეფი (1993), ნიქსონი (1995) დო ამისტადი (1997).
ჰოპკინზიქ მიღჷ ბრიტანული აკადემიაშ ფილმეფიშ დაჯილდოებაშ ჯილდო საუჯგუშო მაართახარისხმი კოჩიშ როლიშო 1973 წანას პიერ ბეზუხოვიშ სრულებათ ბი-ბი-სიშ ტელესერიალს ლჷმა დო მშვიდობა, ათეწკჷმა თის 1991 დო 1993 წანეფს აფჷ მუნაგებჷ ჯილდოეფი კინ თი კატეგორიას ფილმეფიშო კირიბეფიშ შურიშ ქალი დო ოროეფიშ ქიანა.
ჰოპკინზიქ მიგჷ ემიშ პრემია თიში როლიშო ფილმეფს The Lindbergh Kidnapping Case დო ბუნკერი, ხოლო აფჷ მინაღებჷ ემიშ ნომინაციები ფილმეფიშო პარიზიშ ნანაღორონთიშ ოხვამერი დო დიდი პერსპექტივეფი.[20] თიქ მიგუ ჯილდო რეჟისორობაშო დო არტისტალაშო ფილმით პროპელერიშ მარჩხალი, შვეიცარიას, ლოკარნოშ ოერეფოშქაშე ფილმეფიშ ფესტივალს.
1979 წანას ენტონი იჸუ მუსიკაშ ომეფე აკადემიაშ ოპატიე მაკათური.[21]
ფილმოგრაფია
[რედაქტირაფა | წყუშ რედაქტირაფა]
თარი სტატია: ენტონი ჰოპკინზიშ ფილმოგრაფია.ენტონი ჰოპკინზიშ ფილმოგრაფია კოროცხუნს 110–შე უმოს ფილმის, ათენეფშე უდიდაშ ნორთი თარი ვარდა მაჟირახარისხამი როლი აფჷ ნალაჸაფინა, აკაბუცხა ნორთი მუში რეჟისურათი რე გიოღალირი. ჰოპკინზი მუსხირენ ფილმიშ კომპოზიტორით რე, ხოლო პროდიუსერით დო სცენარიშ ავტორით.
სქოლიო
[რედაქტირაფა | წყუშ რედაქტირაფა]- ↑ ჰოპკინზი 'უდიდაში ბრიტანალი არტისტი'. News.bbc.co.uk (2005-08-16). კითხირიშ თარიღი: 2008-10-29.
- ↑ ენტონი ჰოპკინზიშ ბიოგრაფია. Tiscali.co.uk (2008-10-29). კითხირიშ თარიღი: 2008-10-29.
- ↑ ენტონი ჰოპკინზი – ბიოგრაფია. Imdb.com. კითხირიშ თარიღი: 2008-10-29.
- ↑ ენტონი ჰოპკინზი. guardian.co.uk. კითხირიშ თარიღი: 2008-10-29.
- ↑ ინტერვიუშ დაჭყაფური არტისტეფიშ სტუდიაშ დინახალე, 2007
- ↑ ენტონი ჰოპკინზი: ჩქიმი რინა სურათეფს Daily Mail Retrieved 06 January, 2011
- ↑ 7.0 7.1 სერ ენტონი ჰოპკინზიშ პორტრეტი The Telegraph Retrieved Thursday 06 January 2011
- ↑ რუმე დო ქარშხუფამი აიარი The Guardian Retrieved 06 January, 2011
- ↑ ბი-ბი-სი - უელსი - ხელუანობა - საუჯგუშო 10 ვალიალი არტისტი: ენტონი ჰოპკინზი BBC Retrieved January 2, 2010
- ↑ არტისტი ენტონი ჰოპკინზის მიაჩჷ აიარიშ ჯოხონობა დიაფალ ელიზაბედიშე Archived 2012-10-01 ვებ-ხასჷლას Wayback Machine. Chicago Tribune (23 ფურთუთა, 1993)
- ↑ 11.0 11.1 BBC - Wales - Arts - Anthony Hopkins biography BBC Retrieved January 2, 2010
- ↑ რინას მენჭაფილი წჷმოძინაშ ღირსება სერ ენტონიშო BBC News (17 გერგობათუთა, 2005)
- ↑ ბრიტანული აკადემიაშ ფილმეფიშ დოჯილდაფა 2008: გომორძგვილეფი BBC News (10 ფურთუთა, 2008)
- ↑ მაიკლ ფლემინგი. “ენტონი ჰოპკინზი ნასხუნეფი რე ფილმის თორი“, Variety, 30 გიმათუთა 2009. კითხირიშ თარიღი: 31 გიმათუთა 2009.
- ↑ ენტონი ჰოპკინზი იმუშორუანს დემონურ ნძალეფს ფილმის რიტუალი. HeatVision. The Hollywood Reporter (24 ფურთუტა 2010). კითხირიშ თარიღი: 28 ფურთუთა 2010.
- ↑ "ენტონი ჰოპკინზი: ლექტერი დო მა" — ჭითა დრაკონი DVD ინტერვიუ
- ↑ Close. “უხურგელო მეურვე: რუმე დო სანწალე აიარი“, The Guardian, 5 ქირსეთუთა 1998. კითხირიშ თარიღი: 17 გიმათუთა 2009.
- ↑ “კირიბეფიშ შურიშ ქალი - ენტონი ჰოპკინზი ირკენს 80 გირვანქას“, Motley Health. კითხირიშ თარიღი: 11 გერგობათუთა 2010.
- ↑ გაერთიანებული პრესა (3 December 2007). De gira como pianista.
- ↑ ენტონი ჰოპკინზი: ჯილდოეფი. IMDb. კითხირიშ თარიღი: 2007-05-21.
- ↑ მუსიკაშ ომეფე აკადემიაშ ოპატიე მაკათურეფი. კითხირიშ თარიღი: 14 იანვარი 2011.
რესურსეფი ინტერნეტის
[რედაქტირაფა | წყუშ რედაქტირაფა]
- (ინგლისური) ენტონი ჰოპკინზი — კინოფილმეფიშ ინტერნეტ მუნაჩემეფიშ ბაზას
- (ინგლისური) ენტონი ჰოპკინზი — ბროდვეიშ ინტერნეტ მუნაჩემეფიშ ბაზას (IBDb)
- (ინგლისური) ენტონი ჰოპკინზი — TV.com-ს
- (ინგლ.) ენტონი ჰოპკინზი — BBC Wales-ზე