ლანჯი

ლანჯი, კოპიტი (Fraxinus) — ფურცელმაცჷმე ჯალეფიშ გვარი ზეთიშხილიშობურეფიშ ფანიაშე. არქტომასუმაშური (თურღაიშ) ფლორაშ მეზოთერმული პერიოდიშ რელიქტი. თიში 67 გვარობა გოფაჩილი რე ოორუე გვერდოსფეროშ ზჷმიერ (ოშა-გოშათ ტროპიკული დო სუბტროპიკული) ორტყაფუს. საქორთუოს — 3, თინეფი რე: რჩქვანელობური ლანჯი (Fraxinus exelsior) — 30-40 მ-შახ თინბენძღამი ჯა. მუთმოფხვადჷნა საქორთუოშ დახე არძა რეგიონს. ჯგირო ირდუ რზენს დო გვალაშ შქა ორტყაფუეფს მეზოფილური ტყალეფიშ თე განობეფს ფართეფურცელამ ჯიშეფწკჷმა ართო. გვალეფს ზუღაშ დონეშე 1800-2000 მ-შახ მუთმოფხვადჷნა; თუთუფურცელამი ლანჯი (Fraxinus coriariaefolia) — ჩანს კახეთიშ თუშ-ფშავ-ხევსურეთიშ ტყალეფს. მუთმოფხვადჷნა გატყარებული ხოლო (ქართის - ხუდადოვიშ ტყას); გორგაგუმნაღელამი ლანჯი (Fraxinus oxycarpa) — უმენტაშო ბჟადალ საქორთუოშ ტყალეფს რე გოფაჩილი; თაშნეშე რგჷნა (ქართიშ გოხოლუეფი). თეშ მოხ, საქორთუოს ლანჯიშ 24 ეგზოტიკური გვარობა ჩანს. ლანჯიშ მარქვა მაღალხარისხიშ რე; ნახვაცა იკათუანს მთრიმლავ ნიბთიარობეფს, ფურცელი — ვიტამინეფს დო ეთეროვან ზეთეფს. გიმირინუანა ბაღ-პარკეფიშ, ტყა-პარკეფიშ დო შოშეეფიშ გაწვანებელო.

ლიტერატურა

• იმედაძე მ., ქორთული სხუნუეფიშ ენციკლოპედია, ტ. 5, ხს. 284, ქართი, 1980 წანა.