Ka-sok-tō͘

Ka-sok-tō͘ sī sok-tō͘ tùi sî-kan ê piàn-hoà-lu̍t. Tī sok-tō͘ tùi sî-kan ê tô͘, ka-sok-tō͘ tō sī hit tiám chhiat-soàⁿ (tangent) ê chhiâ-lu̍t (slope).

Tī bu̍t-lí-ha̍k, ka-sok-tō͘ (加速度, Eng.: acceleration) sī sok-tō͘ ê piàn-hoà-lu̍t, khiā kóng sok-tō͘ tùi sî-kan ê bî-hun (derivative). Che sī 1 chióng tn̂g-tō͘/sî-kan² ê hiòng-liōng, tī SI ēng ta̍k bió-cheng² kúi bí lâi piáu-sī, siá chò m/s².

$a={\frac {dv}{dt}}$

$a$ piáu-sī ka-sok-tō͘, $v$ piáu-sī sok-tō͘, $t$ sī sî-kan.

Nā sī beh piáu-sī bó͘-mı̍h 1-toāⁿ sî-kan lāi ê ka-sok-tō͘, ē-sái iōng pêng-kin ka-sok-tō͘ chit-ê koan-liām. Kong-sek siá-chò

${\bar {a}}={\frac {\Delta v}{\Delta t}}={\frac {v_{2}-v_{1}}{t_{2}-t_{1}}}$