Lô Tāi-iū
Lô Tāi-iū (羅大佑), Tâi-oân-lâng, sī tī Tâi-oânTâi-pak-chhī chhut-sì ê Kheh-lâng-á, iā sī Tâi-oân ū-miâ ê chhòng-chok koa-chhiú, im-ga̍k-ka, ū "Hoâ-gú Liû-hêng-ge̍k Kàu-hù" (華語流行樂教父) ê miâ-hō. I bat chhòng-chok pēng ián-chhiùⁿ Loān-khek 1980 (戀曲1980), Loān-khek 1990 (戀曲1990), Tông-liân (童年), Kong-im tek Kò͘-sū (光陰的故事), Lo̍k-káng Sió-tìn (鹿港小鎮), Ài-jîn Tông-chì (愛人同志), A-sè-a tek Ko͘-jî (亞細亞的孤兒), Iá-peh-ha̍p iá-iú Chhun-thian (野百合也有春天), Tang-hong chi Chu (東方之珠), Hông-hiō Tāi-tō Tang (皇后大道東), Chi-ho͘-chiá-iā (之乎者也), Hái-siōng-hoa (海上花), Sī-hó͘ (是否), Bêng-thian Hōe Kèng-hó͘ⁿ (明天會更好) téng-téng Hoâ-gú, Bân-lâm-gú, kap Oa̍t-gú hui-siông chhut-miâ ê koa-khek, tùi 1980 nî-tāi āu-kî kàu 1990 nî-tāi chho͘-kî hāu-hn̂g bîn-koa kap kui-ê Hoâ-gú liû-hêng im-ga̍k hong-keh choán-piàn ū toā sî-tāi ê éng-hióng, i-ê koa-khek iā sī chē-chē koa-chhiú sio-cheⁿ beh hoan-chhiùⁿ ê tùi-siòng.