Lenin
Lenin (Lō͘-se-a-gí: Ленин, 1870 nî 4 goe̍h 22 ji̍t – 1924 nî 1 goe̍h 21 ji̍t), pún-miâ Vladimir Ilyich Ulyanov (Владимир Ильич Ульянов), sī Lō͘-se-a ê kek-bēng-ka kap chèng-tī-ka, Cha̍p-goe̍h Kek-bēng ê chí-tō-jîn.
Lenin mā-sī Lō͘-se-a Soviet Liân-pang Siā-hoē-chú-gī Kiōng-hô-kok chham Soviet Liân-ha̍p tē-it-ê léng-tō-chiá. I hoat-tián Marx-chú-gī lí-lūn, i ê chèng-tī su-sióng hong kiò-chòe Lenin-chú-gī.
Lenin ùi Lō͘-se-a Tè-kok sî-kî ê Simbirsk (hiān-sî ê Ulyanovsk) chhut-sì, tī Bo̍k-su-kho kòe-sin.