結他

結他係一種通常有音格（fret）嘅弦樂器，可以用嚟彈奏唔同風格嘅音樂，主要靠彈同掃弦（喺粵語好多時會跟英文叫 ｢線｣）嚟發音，按發聲原理可以分木結他同電結他兩大類。

彈古典音樂用嘅結他

現代結他多數都係六弦，但係都有七弦、八弦同十二弦。十二弦嘅結他其實係打孖嘅十二弦，彈落得六組；但係七弦同八弦就真係每條弦都唔同音。

同好多其他弦樂器唔同，結他嘅六條線並唔係每兩條線相差純五度，而係主要相差純四度，但係第二（第二高音）同第三條線之間係大三度，標準定弦實際上係（由低到高）E₂-A₂-D₃-G₃-B₃-E₄，但係喺五線譜寫 E₃-A₃-D₄-G₄-B₄-E₅（C₄ 為之中央 C），亦即係彈出嚟嘅聲聽落比樂譜記嘅聲低八度，算係移調樂器。

書目

• 課程發展處藝術教育組 (2023年9月)。〈音樂科學與教常用英漢辭彙〉 (PDF) (英文、香港中文)。教育局。喺2024年7月22號搵到。