乾糧係乾水嘅食品，例如餅乾、鹹乾花生、豬肉乾咁，方便跟身到處去，想食就食，唔使再煲返熱，乾食，用口水送服，加包奶或茶水更好。可以上堂偷偷食，又可以帶埋去打仗做軍糧。
乾糧同零食小食唔同，乾糧可以係當正餐，例如軍人食乾糧為飽肚。賑災品當中嘅食物，亦往往唔少得乾糧。
對比起類似濕糧——營養（當水唔係）相同嘅新鮮版本，前者輕同細好多，方便攜帶及運輸，而由於無或者極少水，當中嘅微生物活動同化學轉變都極之緩慢，有排都唔會變壞。
