地雷
地雷係種武器，埋落地底，有人踩到或者有車轆到就爆炸。
人類最早使用呢類被動性殺傷武器嘅紀錄，可以追溯到喺中國嘅宋朝，喺一次城池攻防戰入面，防禦嘅宋兵用埋好嘅爆炸物抵抗蒙古人。明朝時期（據講係名將戚繼光喺北方防禦俺答所發明）[1]，地雷被大量使用。著名嘅《火龍經》即編寫，喺明朝出版。
喺西方，地雷嘅使用要到16世紀先至出現。
地雷喺戰爭中被用嚟阻礙對方嘅軍隊前進，防守嗰方就可以用更少嘅兵力守住通道。由於戰爭過後留低嘅地雷會繼續殺害無辜嘅平民，現時已經有144個國家禁止使用同擁有反步兵地雷。但係一啲國家，包括美國、俄羅斯、中華人民共和國同埋芬蘭等都重未禁止使用地雷。
