女強人奧斯卡
《女強人奧斯卡》（日文原名：ベルサイユのばら，英文：The Rose of Versailles, Lady Oscar，國文版譯做凡爾賽玫瑰）係日本漫畫家池田理代子喺1972年4月開始，喺集英社出版嘅少女漫畫週刊瑪格麗特第21期連載漫故事。個故仔係講一個亂世兒女無辦法同愛人結合嗰種無奈同埋遺憾，最後悲劇收場。漫畫故事一路出到1973年12月就出完。之後又夾埋出單行本。
《女強人奧斯卡》用歐洲史嚟做故事架構，個故仔雖然係作，不過加咗好多歷史事件襯托，例如佢透過主角之間感情關係，帶出18世紀法國波旁王朝（Bourbon）嘅興衰同法國大革命呢啲歷史，而個故仔主要地點，就發生喺凡爾賽宮[1]。
女強人奧斯卡除咗漫畫受歡迎，又出過卡通，同埋俾日本寶塚歌劇團改篇成舞台劇。