布拉格之春（捷克話：Pražské jaro；斯洛伐克話：Pražská jar ；俄語：пражская весна）係1968年1月5號喺捷克斯洛伐克國內開展嘅一場民主運動。直到當年8月20號蘇聯同華沙公約組織成員國武力入侵捷克先完。
喺捷克共產黨第一書記亞歷山大·杜布切克嘅領導下，捷克斯洛伐克顯示出越嚟越強烈嘅獨立傾向。杜布切克喺國內政治改革嘅過程中，提出咗「帶有人性面孔嘅社會主義」，呢個方案並唔似1956年匈牙利嘅改革一樣，完全拋棄晒舊有嘅傳統。但係，蘇聯依然將呢樣嘢視為對佢領導地位嘅挑機，亦係對於東歐地區政治穩定嘅一種威脅。
