打𤺊嗌
打𤺊嗌[1]（粵拼：daa2 si1 jik1），醫學術語叫呃逆（ak1 jik6），國文書面做打嗝（嗝讀「格」，daa2 gaak3），係橫隔膜痙攣導致嘅現象，打思肊時係一陣陣，來時突然間個肚縮下，搞到聲門閉合、發出「呃」聲。
打𤺊嗌嘅原因有好多種，飽得滯、食嘢太快、劇笑都可以搞到打思肊。此外橫隔膜炎症、腎病、腦瘤之類嘅病都會有打思肊嘅癥狀。
嗌字本音ngai3，嗌交的嗌，「惡介」反切音。但被約定俗成誤讀為「益」。
名
[編輯]打𤺊嗌有好多種寫法，第二個字可以寫成「𤺊」、「嘶」、「思」或者省略：第二個字可以寫成「嗌」、「肊」、「噎」或者「餩」[2]。各種寫法可以歸納成下面個表：
| 嗌 | 肊 | 噎 | 餩 | |
|---|---|---|---|---|
| 𤺊 | 打𤺊嗌 | 打𤺊肊 | 打𤺊噎 | 打𤺊餩 |
| 嘶 | 打嘶嗌 | 打嘶肊 | 打嘶噎 | 打嘶餩 |
| 思 | 打思嗌 | 打思肊 | 打思噎 | 打思餩 |
| （簡寫） | 打嗌 | 打肊 | 打噎 | 打餩 |
家醫療法
[編輯]一般人遇到打𤺊嗌，通常都可以好簡單噉醫返，主要有：
- 心理
- 轉移注意力（比如問佢嘢、從1數到100、冥想、濕吻）
- 嚇下佢
- 吞嘢
- 掬氣做三次吞食動作
- 食嚿冰
- 一啖過飲羹醋
- 做深呼吸，吸氣到極限，再掬住，打開咗胸腔，再慢慢吐氣。
- 用各種辦法大笑。
- 飲汽水，令身體嘅二氧化碳平衡返。
- 有種講法認為係體內二氧化碳、氧氣唔均勻，所以要增加二氧化碳，比如短時間攞啲嘢撢住口鼻呼吸。
註
[編輯]- ↑ 〈「打思嗌」點寫？〉。原著喺2017年8月25號歸檔。喺2017年12月31號搵到。
- ↑ 打億（打嗝）嘅「億」本字係咩？點寫？[失咗效嘅鏈]