拉比 (猶太教)
拉比（希伯來文：רַבִּי；英文：Rabbi），或者譯做辣比，係猶太教既一個特別階層。「拉比」呢個字源於希伯來文既 Rav（亦都寫成 Rab），原本既意思係「偉大既人」、「高超既人」、「老師」[1][2]。佢哋係有學問既學者，受過正規既猶太教神職人員訓練，既有學識，又能言善辯，熟識《塔納赫》、《塔木德》等既猶太教經典。佢哋係精神領袖、智者，亦都係宗教老師，喺猶太經學院嗰度傳授猶太教既教義，負責主持猶太教既宗教儀式、執行教規同律法，同埋指導信徒[3][4]。
沿革
[編輯]公元前既拉比
[編輯]耶穌時代既「拉比」係古老猶太教既「拉比」，當時做「拉比」既條件比較鬆散，通常係指啲講解摩西五經既老師或者智者。幾乎當時任何人，只要熟讀呢啲經典，就可以做「拉比」，開班授徒[3]。喺聖經《約翰福音》嗰度，施洗約翰既門徒叫約翰做「拉比」[5]，耶穌既門徒亦叫耶穌做「拉比」[6]。
公元後既拉比
[編輯]現代既「拉比」同耶穌時代既「拉比」有一定既差異。現代人所講既「拉比」係指公元二世紀開始既猶太教「拉比」，佢哋係一群受過完整猶太文化訓練，熟識猶太律法經文，俾猶太教團體正式承認既專業學者。佢哋經常喺猶太會堂講解舊約聖經，同埋猶太傳統文化禮儀，佢哋既身份有啲似基督教既牧師同埋天主教既神父[3]。美國既猶太教會喺1972年任命咗第一位女性「拉比」，依家美國已經有幾百個女性「拉比」，包括華裔美國人[2]。
- ↑ 周學信 (2014)。《拉比傳奇》。校園書房。ISBN 9789861984070。
- ↑ 2.0 2.1 〈美国华裔女性拉比第一人细说从头〉。《美国之音》 (中文)。2021-05-26。喺2023-12-26搵到。
- ↑ 3.0 3.1 3.2 聖經研究所 (2021-04-09)。〈「拉比」是知識的傳授者，法利賽人是其中的最大勢力團體。- 聖經研究所 - 傳道人進修資料庫 (基督徒入口網站)〉。《聖經研究所 --- 傳道人進修資料庫 (基督徒入口網站)》 (臺灣中文)。喺2023-12-26搵到。
- ↑ CMEX中文數位化技術推廣基金會。〈辭典檢視 [拉比 : ㄌㄚ ㄅㄧˇ] - 教育部《重編國語辭典修訂本》2021〉。dict.revised.moe.edu.tw (中文)。喺2023-12-26搵到。
- ↑ 〈約翰福音3:26〉。zh.wikisource.org (繁體中文)。喺2023-12-26搵到。
{{cite web}}: CS1 maint: url-status (link) - ↑ 〈約翰福音 9: 2〉。zh.wikisource.org (繁體中文)。喺2023-12-26搵到。
{{cite web}}: CS1 maint: url-status (link)