束棒

  想搵第二個意思嘅話，請睇法西斯主義。

瑞士St. Gallen省省旗，有法西斯標誌

束棒（拉丁文：fasces），音譯法西斯，喺古羅馬係權力同威信嘅標誌。束棒係一支被多支綁埋一齊嘅木棍圍繞嘅斧頭。

喺官方場合，高級官員嘅衞兵所持嘅束棒，就代表到來嘅官員級別同權利。按官員級別嘅不同，佢哋嘅束棒數量都唔同。有揸束棒招待嘅官員有最高裁判官、地方長官、最高執政官、總督、獨裁者同皇帝。按羅馬歷史學家嘅描述，上古羅馬國王就已經持束棒，作為佢哋權力嘅象徵。

束棒綁埋一齊嘅木棍代表團結，而斧頭（古代用嚟斬頭用）就代表最高權力。斧頭喺地中海地區好早就有代表權力嘅意義。喺羅馬勝利遊行過程裏面，特別勇敢嘅士兵都可以持斧頭（但唔係束棒）。按羅馬傳統，一個官員進入羅馬城後，束棒嘅斧頭個頭一定摘落嚟，只得獨裁者至畀帶斧頭嘅頭入羅馬城。

束棒代表權力同威信嘅意義一直延續到今日：

• 法國嘅護照封面上有束棒嘅標誌，呢個標誌係拿破侖引入。
• 西班牙警察嘅標誌係束棒。
• 束棒最出名係喺20世紀上半葉，畀意大利法西斯黨用嚟做標誌，從此引出咗法西斯主義。
• 瑞士聖加侖嘅州徽係一支束棒。
• 美國首都華盛頓林肯紀念堂林肯像嘅座位正面，亦都有束棒嘅圖像。