浮雕
浮雕（粵拼：fau4 diu1；英文：relief）係雕塑嘅一種，指個雕刻家喺一塊平面（例如係牆）上面將佢想塑造嘅形象雕出嚟，成日畀人攞嚟做建築物牆上面嘅裝飾。古典嘅粵式建築出嗮名多浮雕。
概論
[編輯]内文：雕塑
雕塑係專創作 3D 物體嘅視覺藝術，相對於例如創作 2D 圖像嘅畫畫。創作雕塑嗰陣，雕塑家傳統上要[1]
一般嚟講，雕塑作品可以分做兩大類：雕像同埋浮雕；前者係指能夠自己企到喺度嘅雕塑作品，例子有舉世聞名嘅《大衛像》；而後者就係指喺一塊平面（例如牆）上雕出嚟嘅雕塑。
浮雕可以按「有幾由塊表面嗰度凸出」分做低浮雕（凸出程度低）同埋高浮雕（凸出程度高），一般嚟講，如果雕嗰嚿嘢嘅質量有一半以上係由個表面嗰度凸咗出嚟，件作品就算係高浮雕，極高嘅浮雕同雕像好多時難以清楚分界。
-
-
高浮雕嘅例子
粵地文化
[編輯]内文：粵式建築
傳統上，粵式建築一大特徵係浮雕多：同其他唐人起嘅祠堂比起上嚟，粵式祠堂鍾意擺好多用木同石頭整嘅雕塑嚟做裝飾，達到「光宗耀祖」。啲雕塑喺主題上好多樣，有歷史故事、神話傳說、吉祥圖案、飛禽走獸、奇花異草呀噉，亦都有啲係用本地特色嘅景物，好似係洋桃、番石榴、木棉同榕樹呢啲嶺南嘅生果同植物。
