爬蟲兩棲類學

金蟾蜍

爬蟲兩棲類學（粵拼：paa4 cung4 loeng5 cai1 heoi6 hok6，英文：Herpetology），係動物學嘅一個分支，專係研究啲兩棲動物（例如青蛙）同埋爬行動物（例如蛇）。

爬行動物學喺人類了解全球生態起咗好大嘅作用，其中一個重要原因係兩棲類動物對環境嘅變化比較敏感，可以令人類通過觀察佢哋，了解到環境嘅一啲重大變化。爬行兩棲動物產生嘅毒素同埋毒液已經應用喺人類嘅醫學。而家蛇毒已經俾人拎咗整抗凝血劑（俗稱嘅薄血丸），用嚟醫中風同防止心臟病發作。🐸

爬蟲兩棲類學嘅不同領域

爬蟲兩棲類學亦會根據特定嘅生物分類做研究，例如青蛙（batrachology）、蛇（ophiology or ophidiology）、蜥蜴（蜥蜴學）或烏龜（病原學，紀年學或testudinology）。

一般嚟講，有關於爬蟲兩棲類嘅研究志在理解或解決喺生態學、進化、生理學，行為等嘅特定問題。簡單嚟講，爬蟲兩棲學家會透過用兩棲動物或爬行動物嚟做模型生物用嚟解決或者理解相關領域中嘅特定問題，例如青蛙喺濕地生態入面扮演嘅角色。所有呢啲唔同方面都通過佢哋嘅進化史而連結埋一齊，例如，胎生動物嘅進化（包括行為同生殖）。

青蛙專家學者

爬蟲兩棲學領域嘅職業選擇包括但不限於實驗室研究、現場研究同調查、生態學人員、博物館人員同埋大學導師。

喺現代嘅學術科學入面，好少有人一開始視成為爬行動物學家為目標。大部份人都係專注喺特定領域，例如生態學、進化、分類學、生理學或分子生物學等等，喺自己熟悉嘅領域入面，透過探究爬行兩棲動物嚟提出或回答同佢哋領域相關嘅問題。例如，同時係進化生物學同爬蟲學嘅專家可能會揀去研究珊瑚蛇警告色演變嘅問題。

現代爬行動物學嘅作家有馬克•奧沙（Mark O'Shea）同埋菲利普•珀瑟（Philip Purser），而藝人就有有積夫·科溫，有「鱷魚獵人」之稱嘅史蒂夫歐文同埋明星奧斯汀·史蒂文斯，喺電視劇俗稱為“AustinSnakeman” 奧斯汀·史蒂文斯：Snakemaster。