石油
石油（粵拼：sek6 jau4）係一啲好杰，深啡或深綠色液體。佢響地殼上層。主要成分係碳氫化合物，大部份係烷，不過成份同樣都可以度度唔同。石油大部份都用來整燃油同汽油。除此之外，重可以用來整溶液、肥料、殺蟲水，同塑膠。八成八都係做燃料，淨低都用來整其他嘢。石油唔係可再生能源，咁好多人驚有日會用盡。世界石油有相當嘅需求，所以畀人叫做「黑金」。未經提煉嘅石油又叫原油。
中東地區波斯灣一帶嘅沙特阿拉伯、伊拉克、伊朗、科威特、阿聯酋、卡塔爾有豐富嘅石油儲藏，而係俄羅斯、委內瑞拉、加拿大、利比亞、尼日利亞、美國、墨西哥、哈薩克、中國、太平島等地方都有大量儲藏。委內瑞拉有世界最高嘅石油儲量。
石油嘅常用單位「桶」係一個容量單位，即係42美制加侖（160升）。因為各地出產嘅石油密度唔係一樣嘅，所以一桶石油嘅重量亦都唔係全部一樣。一般來講，一噸石油大概有7.3桶（1,160升）。
