第九行星

  呢篇文講2014 年提出嘅假想行星。想搵曾經被認為係太陽系第九粒行星嘅話，請睇冥王星。

第九行星嘅想像圖

第九行星（英文：Planet Nine）係指廿一世紀初嘅天文學界當中嘅一個假說：根據啲天文學家嘅計算，當時已知嘅太陽系天體（太陽同八大行星等等）嘅重力解釋唔到呢啲天體嘅軌跡點解會係噉，於是有人就喺 2014 年提出，太陽系入面查實喺海王星嘅外圍有第九粒行星，係人類仲未發現到嘅，呢粒行星就係所謂嘅第九行星。不過直至 2021 年為止，天文學家仲未成功證實第九行星嘅存在，所以第九行星依然只係一個假說。