蒙古國

蒙古國

蒙古國草原。蒙古地形主要係草原，平均海拔1600米。

蒙古對外主要靠鐵路連接

蒙古國係亞洲一國，夾響中華人民共和國內蒙古同埋俄羅斯之間。

今日個蒙古國係指外蒙古，但實際上「蒙古」係應該包括埋內蒙古。分別在於：蒙古高原北半部係外蒙古，南半部就係內蒙古。

歷史

蒙古人自古以嚟就係中國嘅外族。喺13世紀成吉思汗橫掃歐亞以嚟，蒙古帝國曾經係世界最大嘅，面積甚至大過家下嘅俄羅斯。

大清嗰陣，蒙古人同大清政治有密切關係。

喺1912年中華民國成立之前，外蒙古已經脫離大清而獨立。1924年，外蒙古喺蘇聯支持底下，成立蒙古人民共和國。

地理

蒙古國係內陸國，並且位處喺亞洲嘅中部。佢嘅北面黐住俄羅斯，南面黐住中國 內蒙古同埋新疆。蒙古國大部分都係山地或者高原，平均海拔係海拔1580米。西面有好多湖。因為係內陸國，氣候唔咁好，夏天比較乾燥，冬天重長過夏天，係亞洲大陸寒流嘅發源地之一。

人口

蒙古國人口約莫320萬（2019年1月），94.9%係蒙古族，少數民族主要係哈薩克族。佢係世界人口密度最低嘅國之一，平均每平方公里得1.91人，近一半人口住喺首都烏蘭巴托。

根據2000年人口普查，蒙古國有三分之二人口唔夠30歲，36%人口唔夠14歲。

經濟

蒙古國基礎建設好少，所以經濟唔發達。主要產業包括礦業、農牧業、交通運輸業、服務業等，畜牧業養牛、羊、馬等等。至於工業亦都只係畜牧業加工製品。

蒙古國嘅出口貿易有68.4%係到中國（2006年），而進口貿易除咗中國之外，重有俄羅斯。

通貨嗌圖格里克。

出面網頁

• 蒙古國嘅官方網站
• 〈国家概况 — 中华人民共和国外交部〉 (簡體中文)。中華人民共和國外交部。
• 〈蒙古國 Mongolia - 亞西地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
• "Mongolia - United States Department of State" (英文). 美國國務院.
• 蒙古國喺中央情報局《世界概況》嘅資料 （英文）
• 〈モンゴル国 ｜ 外務省〉 (日文)。日本外務省。
• "Mongolia - Department of Foreign Affairs and Trade" (英文). 澳洲外交貿易部.