謝霆鋒頂包案
 當事人謝霆鋒 | |
| 日期 | 2002年3月23號－10月16號 |
|---|---|
| 地點 |  香港 |
| 又叫 | 頂包案 |
| 參加嘅人 | |
| 已完結 | |
謝霆鋒頂包案，係指響2002年3月23號藝人謝霆鋒響香港島紅棉路炒車後，搵其他人嚟頂包嘅事件。
經過
[編輯]2002年3月23號凌晨，一架價值240萬嘅法拉利F360跑車響香港島紅棉路撞向路邊花壇，成架車幾乎變形。事後司機成國定到警署自首[1]。
但係經廉政公署調查之後，查出當晚揸跑車嘅人係謝霆鋒。原來謝霆鋒因為要到外國做節目[2]，所以打電話通知經理人處理，而自己響事發後畀疑似張栢芝嘅人接走[1]。之後經理人搵到英皇娛樂公司專屬司機成國定，叫佢做替死鬼[2]。響廉署介入調查後，好快就拉咗謝霆鋒，據傳地點就響張栢芝屋企[1]。
6月6號，律政司認為案件證據足夠，正式起訴謝霆鋒、成國定同差人劉國偉[3]。9月20號，謝霆鋒頂包案響西區裁判法院開庭審理[4]。謝霆鋒一方請嚟大律師鍾偉強、清洪嚟為自己辯護[3]。
判決
[編輯]10月2號，法院認為謝霆鋒響事發之後未有執好手尾就離開現場，已經係妨礙司法公正，裁定謝霆鋒罪名成立，判謝霆鋒還押壁屋監獄14日後再做判決，最終佢畀人判240個鐘社會服務令；「替死鬼」成國定就響認罪同埋出任污點證人之下[5]，被判坐監四個月；而被指任由頂包案發生、罪名係串謀妨礙司法公正嘅差人劉國偉[5]就被判坐監六個月。律政司認為判決太輕申請司法覆核，但畀裁判官駁回[6]。
謝霆鋒同劉國偉唔滿意判決，以污點證人成國定曾經推翻口供為理由，申請上訴[7]。2003年11月28號，終審法院駁回謝霆鋒嘅上訴，謝霆鋒響庭後表示「無期望，無失望」[8]。2004年10月7號，終審法院判劉國偉上訴得直，劉國偉畀法院改判無罪[7]。
影響
[編輯]響頂包案入面，成國定同劉國偉都要坐監，但身為當事人嘅謝霆鋒就判得最輕，淨係240個鐘社會服務令，引起市民嘩然[6]。而謝霆鋒畀香港學生選做2002年「最負面人物」同埋「風雲人物之首」，形象插水[2]。受事件影響，謝霆鋒被迫潛水一段時間，響2003年復出之後更加將事業重心由香港轉去中國大陸[2][9]。當時英皇娛樂嘅收入有56%係嚟自謝霆鋒，呢次事件亦令英皇娛樂損失慘重[10]。
攷
[編輯]- ↑ 1.0 1.1 1.2 徐天成。《我們香港這些年: since 1977》。
- ↑ 2.0 2.1 2.2 2.3 〈謝霆鋒主力在中國發展！曾因「頂包案」而形象大損~但未入劣跡藝人榜！〉。www.tagsis.com (英文)。喺2022-08-17搵到。
{{cite web}}: CS1 maint: url-status (link) - ↑ 3.0 3.1 〈撞車頂包案涉串謀妨礙司法公正 廉署今起訴謝霆鋒〉。the-sun.on.cc。喺2022-08-17搵到。
{{cite web}}: CS1 maint: url-status (link) - ↑ 〈嚴陣保護 成國定出庭起混亂〉。orientaldaily.on.cc。喺2022-08-17搵到。
{{cite web}}: CS1 maint: url-status (link) - ↑ 5.0 5.1 〈證人篤死霆鋒知情〉。orientaldaily.on.cc。喺2022-08-17搵到。
{{cite web}}: CS1 maint: url-status (link) - ↑ 6.0 6.1 〈謝霆鋒--撞車「頂包」罪成卻輕判 | 蘋果日報 | 要聞港聞 | 20021231〉。web.archive.org。2019-10-22。歸檔時間2019-10-22。喺2022-08-17搵到。
{{cite web}}: CS1 maint: bot: original URL status unknown (link) - ↑ 7.0 7.1 〈已服刑半年 上訴終審庭 霆鋒頂包案警員脫罪〉。the-sun.on.cc。喺2022-08-17搵到。
{{cite web}}: CS1 maint: url-status (link) - ↑ 〈【Old News is So】謝霆鋒02年頂包案上訴駁回〉。《星島日報》。2017-11-28。
{{cite news}}: CS1 maint: url-status (link) - ↑ 〈【女友王菲呢？】謝霆鋒投資有道傳擁10億身家 擬成立基金會 受益人竟然係佢？ - 晴報 - 娛樂 - 中港台〉。skypost.ulifestyle.com.hk (中文)。喺2022-08-17搵到。
{{cite web}}: CS1 maint: url-status (link) - ↑ Kate Drake. 10 questions for Nicholas Tse. Time Asia.