進士

進士係指科舉入面最高嘅功名等級，通常每次科舉都有幾十人。考試成績分成三個等級（三甲），最高等級既叫一甲，一般係有三個人（考第一至三名），分別叫狀元、榜眼、探花，一甲叫進士及第，簡稱及第。二甲叫進士出身，而三甲就叫同進士出身；而落第既就係三甲不入，考唔到進士。

喺民間，尤其係戲劇，考到進士又叫做「金榜題名」，例如：潮劇既《金榜題名報蘭英》、陝西秦腔既《金榜題名》，而粵劇既《花染狀元紅》講書生餘鳳聲鍾意咗好有才華既名妓花醉紅既愛情故事，故事提到餘鳳聲答應金榜題名之後娶花醉紅做老婆。

進士喺科舉出現嘅初期只係其中一個科，亦係最難嗰科。由大元開始，科舉得返進士一科。