醫好聾啞嘅人

醫好聾啞嘅人係《聖經》記載耶穌嘅神蹟之一，記載喺《馬可福音》7章31-37節。

聖經譯文

「	耶穌又離開咗推羅地區，經過西頓，就由低加坡里境界返到加利利海。有人帶住一個又聾又啞嘅人見耶穌，求耶穌為佢按手。耶穌將佢喺人群之中帶出嚟，去另一邊，就用手指探入佢耳仔，又用口水搽喺佢條脷度，嘆一口氣，對佢話：「以法大！」意思係「開咗喇！」佢隻耳仔即刻開咗，條脷亦解咗，佢講嘢亦清楚咗。耶穌吩咐佢哋唔好向其他人提起呢件事；但係越叫佢哋唔好傳開，佢哋越係傳開。所有聽見嘅人都好驚奇，話：「佢所做嘅事樣樣都好，佢甚至令到聾人聽到嘢，啞巴講到嘢。」	」
——《馬可福音》7章31-37節

概覽

耶穌醫治聾啞人嘅過程，有五點要我哋學習：

1. 個人佈道：係朋友將聾啞人帶到耶穌面前，求耶穌按手。
2. 個人關懷：耶穌將佢喺人群之中帶出嚟。
3. 身體接觸：唔怕抵觸律法（聾啞人唔潔淨）。用視覺同觸覺俾聾啞人知道耶穌喺度醫治佢。
4. 心理治療：古人相信口水有醫治嘅功效。
5. 主的恩言：耶穌望天，因為天父係能力源頭，望天重歎因為對人嘅困苦深感憐憫，對病人宣告佢要得醫治。