Alexander Hamilton

Alexander Hamilton
1ste Sekretaris van die Tesourie
Ampstermyn 11 September 1789 – 31 Januarie 1795
President	George Washington
Voorafgegaan deur	Amp geskep
Opgevolg deur	Oliver Wolcott
Seniorbeampte van die weermag
Ampstermyn 14 Desember 1799 – 15 Junie 1800
President	John Adams
Voorafgegaan deur	George Washington
Opgevolg deur	James Wilkinson
Afgevaardigder aan die kongres van die Konfederasie uit New York
Ampstermyn 3 November 1788 – 2 Maart 1789
Voorafgegaan deur	Egbert Benson
Opgevolg deur	Amp afgeskaf
Ampstermyn 4 November 1782 – 21 Junie 1783
Voorafgegaan deur	Amp geskep
Opgevolg deur	Amp afgeskaf
Persoonlike besonderhede
Gebore	11 Januarie 1755 of 1757 Charlestown, Nevis
Sterf	12 Julie 1804 New York Stad, New York
Politieke party	Federaliste
Eggenoot/-note	Elizabeth Schuyler
Kind(ers)	Philip Angelica Alexander James Alexander John Church William Stephen Eliza Holly Phil
Alma mater	Kings College, New York
Religie	Presbiteriaanse Kerk Episkopalies (bekeer)
Handtekening
Militêre Diens
Lojaliteit	New York (1775–1777)  Verenigde State (1777–1800)
Diens/Tak	New York Company of Artillery Continental Army United States Army
Jare in diens	1775–1776 (Milisie) 1776–1781 1798–1800
Rang	Major General U.S. Army Senior Officer
Oorloë/Veldslae	Amerikaanse Rewolusionêre Oorlog

Alexander Hamilton (11 Januarie 1755 of 1757 – 11 Julie 1804) was 'n Amerikaanse staatsman.

Hamilton gaan in 1773 na New York en neem aktief deel aan die Amerikaanse Vryheidsoorlog. Deur sy organisering van ’n kompanie artillerie (in 1775) trek hy die aandag van die opperbevelvoerder George Washington, wat hom in 1777 as sy persoonlike adjudant en sekretaris benoem.

In 1786 gaan hy as afgevaardigde van die staat New York na die Annapolis Konvensie, wat die voorloper sou wees van die VSA se konstitusionele vergadering van 1787. Hamilton was 'n vurige voorstander van 'n grondwet met 'n sterk sentrale gesag en saam met James Madison en John Jay skryf hy die nou-beroemde artikels wat uitgegee is as die Federalist.

In die eerste kabinet van George Washington word hy Minister van Finansies en begin toe ’n omvattende reorganisasie deur die aanvaarding van die uitstaande skuld van die jong republiek aan die buiteland sowel aan spesifieke skuldeisers. Hy stig 'n nasionale bank (1791) en organiseer die belasting. Dit was Hamilton se idee dat die belange van die land en die van die industrie en handel moet saamgaan, en dat daarvoor 'n sterk nasionale gesag nodig was. Hierdie klem op die federale regering wek weerstand by die verdedigers van die regte van die afsonderlike state en so ontstaan vanuit hierdie teenstelling die Amerikaanse partystelsel. Hamilton en sy aanhangers word die Federaliste genoem en daarteenoor staan die Republikeine van Thomas Jefferson. Maar uit Hamilton se idees het die huidige Republikeinse Party gegroei.

Na sy ministerskap vestig Hamilton homself as advokaat in New York, maar van 1798 tot 1800, toe 'n oorlog met Frankryk dreig, was hy onderbevelvoeder van die leër. In 1800 steun hy sy teenstander Jefferson vir die presidentskap om so die Republikeinse leier in New York, Aaron Burr, teen te werk. Burr word daaroor slegs vise-president en die twee mans het 'n ernstige haat teenoor mekaar ontwikkel. In ’n tweegeveg tref Burr vir Hamilton, wat aan sy wonde sterf.