Europese swael
| Europese swael | |
|---|---|
| |
| European subspecies | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | H. rustica
|
| Binomiale naam | |
| Hirundo rustica Linnaeus, 1758
| |
Die Europese swael (Hirundo rustica) is 'n klein trekvoël en die wydsverspreide swael in die wêreld.[1]
Identifikasie
[wysig | wysig bron]Hy word aan sy donker ken en keel uitgeken; by voëls wat verveer (van November tot Januarie) ontbreek die roesrooi ken en lang stertwimpels dikwels. Jonges word algemeen tydens Oktober tot Desember waargeneem. Die voëls word tot 18 cm groot. Die Europese swael (Hirundo rustica) kan herken word aan sy lang, diep gevurkte stert, blouswart rug, kastaiingrooi keel en wit pens.
Daar bestaan verskeie subspesies van die gewilde voël wat in alle gematigde en subtropiese streke van die Noordelike Halfrond broei. Verskeie spesies uit die trope is baie nou verwant aan hom, soos byvoorbeeld Hirundo tahitica uit Suidoos-Asië, die angolaswael (Hirundo angolensis) en die Australiese Hirundo neoxena. Sommige dierkundiges beskou ook hierdie spesies as subspesies van die Europese swael.
Habitat
[wysig | wysig bron]Tydens die somer is hulle die algemeenste swaels en in vlug meng hulle vryelik met ander swaels en windswaels oor feitlik alle habitats. Groot swerms kom saam om in rietplate te oornag. Die Europese swael is 'n kultuurvoël wat sy nes gewoonlik in die omgewing van mense in skure, stalle, onder brûe, ensovoorts, bou en slegs af en toe in die vrye natuur teen rotswande.
Soms bou 'n paar voëls hul neste by mekaar, maar hulle vorm nooit egte kolonies nie. Europese swaels jag insekte by voorkeur laag oor oop water. In die grootste deel van sy verspreidingsgebied is die Europese swael 'n trekvoël wat in die herfs in swerms na warmer streke trek. Die uit Europa oorwinter in Suid-Afrika. Die tydstip van vertrek en aankoms hang saam met die temperatuur en die voëls volg taamlik noukeurig die isoterm 9 °C.
Net soos die ander spesies is die Europese swael baie "huisvas" en keer hy gewoonlik jaarliks na sy geboorteplek terug. Dit is bekend dat swaels baie oud kan word. Die hoogste ouderdom wat ooit gemeet is, is 16 jaar, terwyl ander klein voëls gewoonlik nie ouer as 4 of 5 jaar word nie.
Verspreiding
[wysig | wysig bron]Swaels van die Europese ras trek gedurende die lente noordwaarts na hulle broeiareas in Europa, so ver noord soos die arktiese sirkel. Hulle oorwinter in Afrika.
Geluid
[wysig | wysig bron]Swerms kwetter saggies, veral as hulle sit.
Ander name
[wysig | wysig bron]- Wetenskaplike naam: Hirundo rustica
- Engelse naam: Barn Swallow / European Swallow
- Duitse naam: Rauchschwalbe
- Nederlandse naam: Boerenzwaluw
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (gegroepeer)
- Lys van Suider-Afrikaanse voëls volgens wetenskaplike name
Bronnelys
[wysig | wysig bron]- Wêreldspektrum, 1982, ISBN 0908409680, volume 27, bl. 44
- Newman se Voëls van Suider-Afrika, ISBN 1-86872-982-6
Verwysings
[wysig | wysig bron]- ↑ Turner, Angela K; Rose, Chris (1989). Swallows & martins: an identification guide and handbook. Boston: Houghton Mifflin. ISBN 0-395-51174-7. p164–169
