Río Orinoco
| Río Orinoco | |
|---|---|
 | |
| Oorsprong | Cerro Delgado-Chalbaud, Amazonas (Brasilië) en Amazonas (Venezuela) |
| Monding | Delta Amacuro in Venezuela, Atlantiese Oseaan |
| Stroomgebied | Brasilië, Venezuela en Colombia |
| Lengte | 2 140 km (1 330 myl) |
| Oorspronghoogte | 1 047 m (3 435 voet) |
| Mondinghoogte | 0 m |
| Gemiddelde afloop | 33 000 m³/s (1 165 384 ft³/s) |
| Stroomgebiedopp. | 880 000 km² (339 770 myl²) |
 Kaart van die Río Orinoco-bekken in Suid-Amerika.
| |
Die Río Orinoco is 'n groot noordoos-vloeiende rivier in Suid-Amerika. Die rivier, met 'n lengte van 2 140 km, is die vierde langste rivier in Suid-Amerika na die Amesonerivier, die Río Paraná en die Rio São Francisco. Met 'n gemiddelde afloop van 33 000 m³/s is dit die wêreld se vierde grootste rivier en na die Amesonerivier, Suid-Amerika se tweede grootste rivier.
Die Río Orinoco ontspring in Cerro Delgado-Chalbaud in die Sierra Parima, in die suide van die Venezolaanse deelstaat Amazonas net wes van die grens tot die Brasiliaanse deelstaat Amazonas. Aansluitend vloei die rivier in oostelike rigting en vorm later die grens tot Colombia. Vanaf hier vloei die Río Orinoco in oostelike rigting deur die sentrale Venezuela tot die Atlantiese Oseaan. Die twee grootste stede, wat aan die rivier geleë is, is Ciudad Bolívar en Ciudad Guayana. Beide die stede is in Venezuela geleë. Twee derdes van die rivier se stroomgebied is in Venezuela en 'n derde in Colombia geleë.
Die monding van die Río Orinoco is reeds op 1 Augustus 1498 deur die ontdekkingsreisiger Christophorus Columbus tydens sy derde reis ontdek. Hy het die groot afloop van die rivier opgemerk en aangeneem dat die rivier deur 'n groot kontinent moet vloei. Gevolglik het Columbus vermoed dat hy die kus van Asië bereik het. In werklikheid het hy die noordelike deel van die rivier se delta ontdek.
In 1800 het die Duitse natuurkundige Alexander von Humboldt saam met die Franse botanikus Aimé Bonpland 'n ekspedisie van die Río Apure se monding tot die bo vallei van die Río Orinoco onderneem en die Fauna en Flora van die rivier ondersoek en beskryf.[1]
Verwysings
[wysig | wysig bron]- ↑ (en) Helferich, Gerard (2004) Humboldt's Cosmos: Alexander von Humboldt and the Latin American Journey that Changed the Way We See the World, Gotham Books, New York, ISBN 1-59240-052-3.
Eksterne skakels
[wysig | wysig bron]
Wikimedia Commons het meer media in die kategorie Río Orinoco.
