Waregem

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Waregem mèt deilgemeintes en aongrenzende (deil)gemeintes (zuug de hoofteks veur 'n verklaoring).

Waregem (Wes- en Oos-Vlaoms: Woarehem) is 'n stad in de Belzje provincie Wes-Vlaandere, arrondissemint Kortrijk, aon de grens mèt Oos-Vlaandere. De stad heet 'n oppervlak vaan 44,34 km² en 'n inwoeneraontal vaan 36.306 per 1 januari 2010.

Waregem heet vaanajds 'n Oos-Vlaams dialek.

Geografie

Deilgemeintes

Waregem besteit oet veer deilgemeintes. Binne de hoofgemeinte ligk ouch nog 'ne vijfde kern. Waregem zelf heet 26,64 km² en per 1 januari 2007 21.854 inwoeners.

I. Waregem
- V. Nieuwenhove
II. Sint-Eloois-Vijve
III. Desselgem
IV. Beveren

Aongrenzende (deil)gemeintes

a. Anzegem (gemeinte Anzegem)
b. Ingooigem (gemeinte Anzegem)
c. Vichte (gemeinte Anzegem)
d. Deerlijk (gemeinte Deerlijk)
e. Harelbeke (stad Harelbeke)
f. Bavikhove (stad Harelbeke)
g. Ooigem (gemeinte Wielsbeke)

h. Wielsbeke (gemeinte Wielsbeke)
i. Sint-Baafs-Vijve (gemeente Wielsbeke)
j. Zulte (gemeinte Zulte, Oos-Vlaandere)
k. Kruishoutem (gemeinte Kruishoutem, Oos-Vlaandere)
l. Nokere (gemeinte Kruishoutem, Oos-Vlaandere)
m. Wortegem (gemeinte Wortegem-Petegem, Oos-Vlaandere)

Historie

In Waregem zien versjèllende Gallo-Romeinse voondste gedoon. De plaots weurt, es Waro-inghaheim, veur 't iers geneump in 826. Tot aon d'n dertienden iew waor väöl vaan de groond bezit vaan twie Gentse abdije. Daonao kaome versjèllende hiere op. 't Dörp zelf kaom oonder 't kapittel vaan Doornik.

Tege 't ind vaan d'n achtienden iew woort Waregem belaankrieker. In 1784 gaof keizer Jozef II de plaots merretrech, wat de textielindustrie op gaank brach. In de negentienden en vreuge twintegsten iew oontwikkelde ziech de industrie door. In 1977 woort Waregem oetgebreid mèt Beveren, Desselgem en Sint-Eloois-Vijve. Stadsrechte kraog de plaots in 2000.