Frasché

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Frasché     Stat: Italia Region: Piemont Provincia: Provincia ëd Lissandria Nòm 'n italian: Frascaro Coordinà: Latitudin: 44° 49′ 37.1′′ N Longitudin: 8° 31′ 56.7′′ E Autëssa: 124 m s.l.m. Surfassa: 5,29 km² Abitant: 432 (2018) Comun dj'anviron: Borgorà, Carenten, Ël Castlass, Gamaleri CAP: 15010 Prefiss tel.: 0131 Còdes ÌSTAT: 006071 Còdes fiscal: D770  Sant protetor: san Nicolao  Festa dël borgh: 6 dë dzèmber  Sit istitussional Frasché (Frascaro an italian) a l'é un comun dël Piemont ëd 432 abitant , ant la provinsa ëd Lissandria. Ël pais a resta ant la pian-a lissandrin-a, a sud-òvest dël capleugh, al confin con le prime basse colin-e dël Monfrà, an sla riva ossidental ëd la bassa val ëd la Bormia. Stòria Ël Palass Comunal La presensa dl'òm ant ël teritòri 'd Frasché a armonta ai sécoj ch'a fan V e VI: j'artrovament archeològich a mostro ch'a-i era 'n vilagi barbàrich abità da na popolassion d'orìgin germànica. Ël topònim atual a l'é documentà da la fin dël sécol ch'a fa XII ant la forma 'd Frascarus, derivà dal latin Frascarium, valadì bòsch ëd busson. Frasché a l'é cità për la prima vira dël 1192 an doi at notaril. An considerand ch'ël pais a l'avìa nen soa autonomìa aministrativa, a l'ha seguì për sécoj le sòrt dij pais ëd j'anviron (pì che tut ëd Gamaleri). Ant la prima metà dël Tërzent, le lòte antra Guelf e Ghiblin a posso la Comun-a 'd Lissandria a consegnesse ai Viscont ëd Milan, ëd fassion ghiblin-a. Ij contrast a finisso nen, e ant j'agn dl'artorn dij Guelf, ël comandant ëd ventura Marc Viscont a puniss Gamaleri e Frasché, an butandje sota atach. Dël 1402, a la mòrt ëd Gian Galeass Viscont, ël capitan casalèis Facin Can a s'anpadroniss ëd Lissandria. L'ann dòp, ij lissandrin guidà da esponent ëd le famije Dël Poss e Tròt, a profito dl'assensa dël capitan për dé 'l vìa a na solevassion. Quand che Facin Can a torna a Lissandria an butandla sota assedi, ij frèj Tròt a s'arfugio ant ël castel ëd Frasché, ma sensa sucess: ël castel a ven atacà e crasà dël tut. Ël pais a resta ant ël Ducà 'd Milan, goernà da le famije Viscont e Sfòrsa, peui dal Sinchsent sota al contròl imperial ëd j'imperador spagneuj. A livel aministrativ, Frasché a fasìa part ëd la giurisdission ëd Lissandria. Dal 1674 ël feod a ven vendù ai cont Guasch ëd Bisio. Dal 1707 an séguit a la guèra 'd sucession ëspagneula e al sucessiv Tratà d'Utrecht, Frasché a ven cedù al Ducà 'd Savòja 'd Vitòrio Medeo II, che pòch pì tard, dël 1720, a dven ël Regn ëd Sardëgna. D'apress a l'época dla dominassion fransèisa ëd Napoleon Bon-a-part, dël 1815 a torna ant ël Regn ëd Sardëgna e a l'é aministrà sota a la Division (peui Provinsa) ëd Lissandria, a la Provinsa (peui Sircondari) ëd Lissandria e al Mandament ëd Cassèine. Aministrassion Ël sìndich a l'é Pietro Ciberti (da l'08/06/2009, scond mandà dal 26/05/2014). Anliure esterne Sit istitussional Arferiment Panorama da l'àut

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi