中國人

  呢篇文講中國嘅國民。想搵廣義嘅話，請睇唐人。

  想搵劉德華嘅歌嘅話，請睇中國人 (歌)。

中國人係指中國地區本地人或者海外有中國血統嘅人。以國籍概念界定，係指具有中國國籍嘅人。以文化與地理概念界定，係指長時間居住於中國地區並與中華文化有緊密聯繫嘅人；以國族概念來界定，係指屬於中華民族嘅人，稱作華人都得。

澳門

澳門雖然經歷過葡萄牙帝國嘅殖民地統治，但係澳門仍然以廣東籍人士佔大多數，葡萄牙同與土生葡人只佔少數。絕大部分澳門人都會認同自己係澳門人，同時亦係中國人。

澳門學聯及青年研究協會喺2014年11月進行調查，發現澳門中學生對「中國人」嘅身份認同有明顯跌幅，由2007、2009年有超過九成學生十分同意或者同意「我係中國人」，跌至2011年嘅八成，2014年更加下滑至五成半。其中，兩成二學生「十分同意」自己係中國人，只係2009年同一項目人數嘅三分之一。 相對而言，澳門中學生對「澳門人」身份認同幾高，九成人認同自己係澳門人，雖然比過往下降，但依然保持喺高位。七成四學生覺得「澳門人」身份對自己有重要意義。當佢哋向外人介紹自己時，七成會稱呼自己做「澳門人」，之後係「中國的澳門人」，佔一成一；會用「中國人」介紹自己嘅不足一成。如果有得揀，五成中學生都希望做「澳門人」。自從香港發生反對逃犯條例修訂草案運動期間，澳門唔少中小學喺課堂入面加強對學生國家教育，包括安排一啲親黨人士去學校舉辦講座，又安排學生去各個中國政府機關同機構户外考察。

睇埋

• 中共人