研討會論文集

研討會論文集（英文：conference proceedings），又叫會議論文集，係將學術研討會入面發表嘅論文刊登嗮出來嘅一種學術性刊物，技術上係一種場刊；但係如果係定期舉辦嘅學術研討會，研討會論文集就會變成定期出版，咁嘅情況佢亦都可以算係一種期刊，可能有 ISSN，如果係大型研討會，甚至可能成書，可能會有 ISBN。

好似學術期刊咁，研討會收錄嘅論文通常都會經過同儕互評，亦都會被人引用；喺某啲學術領域，喺研討會論文集發表嘅論文可以等如喺期刊發表一樣。

研討會論文集收錄嘅通常都係比較長嘅論文；短嘅論文就算登，都通常會當二等論文處理，例如唔會畀 DOI。研究海報就通常唔登，或者淨係登摘要。