藍雪寶
藍雪寶（英文：Ada Lam），香港激進親中派人士，正職從事特殊教育工作廿幾年。佢嘅親建制同埋撑警言論，得到唔少人嘅關注，有啲支持政府嘅內地網民稱呼佢做「正義姐」[1]，但亦因為佢人身攻擊言論，被民主派支持者批評。
政治立場同爭議
[編輯]佢係激進親中派人士，曾經對唔同民主派人士作出人生攻擊，對美國人亦持敵視態度。例如喺2020年7月，佢就曾經同多名激進親中派人士抗議，要求港府關閉美國駐港總領事館同埋驅逐佢哋嘅駐港人員出境[2]。
另外，佢亦曾經發表非人化仇恨言論，以「曱甴」稱呼參與反修例運動嘅科大學生[3]。而就佢多次對民主派嘅人身攻擊，教育局喺2021年4月對佢發出警告信，話佢言論粗鄙冒犯，涉及專業失德，警告如有再犯會考慮取消佢嘅教師註冊[4][5]。
另外，喺武漢肺炎香港疫情初期，有醫護人員想避免中國內地疫情傳播去香港，醞釀以罷工手段爭取，佢就話呢啲醫護人員係禽獸[3]。
用假新聞人身攻擊陳梓維
[編輯]喺2019年香港區議會選舉，藍雪寶曾經發佈假新聞話當選人之一、民主派嘅陳梓維係智障，帶頭侮辱弱智人士，又鬧選民白痴，又喺Facebook 寫「我同學生講，大家多條出路啦！」[4]。
被同事揭發德行爭議
[編輯]有網民話藍雪寶同校老師何穎文，曾經喺網上及大紀元爆料，話佢成日「一哭二鬧三上吊」，對同事都經常性係恩將仇報，係教育界嘅陳淨心/李偲嫣[6]。
參考
[編輯]- ↑ 〈對話"香港正義姐"藍雪寶：看見一些年輕人被蠱惑，真的很心痛〉。南方都市報。喺2020-07-28搵到。
- ↑ 〈多名網紅到美總領館示威 要求驅逐美駐港人員出境 - 香港文匯網〉。news.wenweipo.com。原著喺2021-04-22歸檔。喺2021-04-22搵到。
- ↑ 3.0 3.1 〈撐警「正義姐」變「忠誠廢物」〉。《大紀元時報 香港｜獨立敢言的良心媒體》 (香港中文)。2021-04-23。喺2024-08-08搵到。
- ↑ 4.0 4.1 〈撐警特校教師諷陳梓維「智障」批醫護「禽獸」 涉4不當言論被教局發信警告 ｜ 蘋果日報〉。《Apple Daily 蘋果日報》 (香港中文)。原著喺2021-04-22歸檔。喺2021-04-22搵到。
- ↑ 〈「正義姐」藍雪寶據報遭教育局發警告信 涉稱示威者曱甴、諷區議員智障等不恰當言論 | 立場報道 | 立場新聞〉。《立場新聞 Stand News》 (英文)。原著喺2021-04-22歸檔。喺2021-04-22搵到。
- ↑ 〈撐警「正義姐」變「忠誠廢物」〉。《大紀元時報 香港｜獨立敢言的良心媒體》 (香港中文)。喺2021-04-22搵到。