Makulu (hezurra)

Artikulu hau ugaztunen anatomiari buruzkoa da; beste esanahietarako, ikus «Makulu (argipena)».

Makulua, latinezko bacŭlum, ugaztun gehienen zakilean dagoen hezurra da, intsektiboro, karraskari, haragijale eta primateetan batik bat, baina azken hauen artean ez gizakietan. Etxeko espezieen artean, katuek eta txakurrek badute. Hezur horri esker, erekzioaren beharrik gabe egin dezakete sarketa eta ernalketa ugaztun ar askok.

Mapatxe baten makulu hezurra.

Forma eta neurria aldatu egiten dira espezie batetik bestera. Espezie batzuetan metro erdi inguruko luzera izan dezake eta zenbait espeziek (tximino handiek, esaterako) neurri txikiko hezur bestigiala baizik ez dute. Ez dago makulu hezurrik gizaki, martsupial, hiena, zeazeo, lagomorfo (untxiak eta erbiak) eta ekidoen artean, besteak beste. Gizakietan, makulurik ez dutenez, faloaren barnea odolez betetzen denean lortzen da erekzioa.

Terminologia

Latinezko beste termino batzuk dira os penis (zakileko hezurra) eta os príapi (Priaporen hezurra) dira.

Emeen hezur homologoari os clitoridis (hezur klitorideoa) edo baubellum deritzo.

Erreferentziak

• Artikulu hau, osorik edo zatiren batean, gaztelerazko wikipediako «Báculo (hueso peneano)» artikulutik itzulia izan da, 2021-11-30 data duen 149203075 bertsioa oinarritzat hartuta. Sartze-datarik ez duten erreferentziak, edo 2021-11-30 baino lehenago datatuak, jatorrizko artikulutik ekarri dira itzulpenarekin batera.

Kanpo estekak

• Datuak: Q835986
• Multimedia: Penis bones / Q835986