Անտոնինա Ռժևսկայա
Անտոնինա Լեոնարդովնա Ռժևսկայա (ռուս.՝ Антонина Леонардовна Ржевская, 1861, Շալեպնիկի, Զուբցովի գավառ, Տվերի նահանգ — 15 հուլիսի, 1934, Տարուսա, Կալուգայի մարզ), ռուս նկարչուհի, Գեղարվեստական շրջիկ ցուցահանդեսների ընկերության անդամ երկու կանանցից մեկը[1]։
Անտոնինա Ռժևսկայա Антонина Ржевская | |
|---|---|
 | |
| Ի ծնե | Անտոնինա Լեոնարդովնա Պոպովա |
| Ծնվել է | փետրվարի 12 (24), 1861 |
| Ծննդավայր |  Շալեպնիկի, Զուբցովի գավառ, Տվերի նահանգ, Ռուսական կայսրություն |
| Վախճանվել է | հուլիսի 15, 1934 (73 տարեկան) |
| Մահվան վայր |  Տարուսա, Կալուգայի մարզ, ԽՍՀՄ |
| Քաղաքացիություն | Ռուսական կայսրություն և  ԽՍՀՄ |
| Կրթություն | Մոսկվայի գեղանկարչության, քանդակագործության և ճարտարապետության ուսումնարան |
| Մասնագիտություն | նկարչուհի |
| Ժանր | կենցաղանկար |
| Անդամակցություն | Գեղարվեստական շրջիկ ցուցահանդեսների ընկերություն |
 Antonina Rzhevskaya Վիքիպահեստում | |
Կենսագրություն
խմբագրել
Անտոնինա Լեոնարդովնա Ռժևսկայան (օրիորդական ազգանունը՝ Պոպովա) ծնվել է 1861 թվականին Տվերի նահանգի Զուբցովի գավառի Շալեպնիկի գյուղում[2]՝ աղքատ կալվածատիրոջ ընտանիքում[3]։ Հոր մահից հետո մայրը երեք երեխաների հետ տեղափոխվել է Տվեր, որտեղ Անտոնինան սովորել է Մարիինյան իգական գիմնազիայում, իսկ Մոսկվա տեղափոխվելուց հետո՝ Մոսկվայի հինգերորդ գիմնազիայում[3]։ 1880 թվականից որպես ազատ ունկնդիր սովորել է Մոսկվայի գեղանկարչության, քանդակագործության և ճարտարապետության ուսումնարանում Վլադիմիր Մակովսկու ղեկավարությամբ։ Այդ նույն ժամանակ մասնավոր դասեր է առել գեղանկարիչ Նիկոլայ Մարտինովի մոտ[3]։ Անտոնինա Ռժևսկայայի արվեստանոցը գտնվել է Մոսկվայի Սուշչյովսկի փակուղում[2]։
Անտոնինա Ռժևսկայան 1890 թվականից մասնակցել է տարբեր ցուցահանդեսների։ 1893 թվականին «Որբերը» (ռուս.՝ «Сироты») կտավն իր պատկերասրահի համար գնել է ռուս հայտնի գրահրատարակիչ Կոզմա Սոլդատյոնկովը։
1897 թվականից[4] մասնակցել է Գեղարվեստական շրջիկ ցուցահանդեսների ընկերության ցուցահանդեսներին։ Ընկերության XXV ցուցահանդեսում ներկայացված «Ուրախ րոպե» (ռուս.՝ «Весёлая минутка») կտավը մեծ հաջողություն է ունեցել[5][6][7]։ Դեռ ցուցահանդեսի ժամանակ նկարն իր պատկերասրահի համար գնել է Պավել Տրետյակովը[5]։ Նկարը, սակայն, ցուցադրվել է առանց հեղինակի անունը նշելու։ Անտոնինա Ռժևսկայան խոստովանել է[2], որ ինքը վախեցել է իր ստորագրությունը դնել նկարի տակ այն ժամանակ գոյություն ունեցած գենդերային նախապաշարմունքների պատճառով։ 1899 թվականին[4] Ռժևսկայան ընդունվել է Գեղարվեստական շրջիկ ցուցահանդեսների ընկերություն՝ դառնալով այդ ընկերության երկրորդ ու վերջին կին անդամը. առաջինն Էմիլի Շանկսն էր։ Հետագայում դուրս է եկել ընկերությունից նրա ծրագրի հետ համաձայն չլինելու պատճառով[2]։
1903 թվականին Անտոնինա Ռժևսկայան նկարում է «Երաժշտություն» (ռուս.՝ «Музыка») կտավը, որը նույնպես մեծ հաջողություն է ունենում։ Նկարն իր հավաքածու համար գնում է մեկենաս Իվան Սվեշնիկովը։
Անտոնինա Ռժևսկայան ամուսնացոծ էր Նիկոլայ Ֆեոդորովիչ Ռժևսկու հետ, ով դասավանդում էր իգական մասնավոր գիմնազիայում, եղել է Ռուսական կայսերական տեխնիկական միության Մոսկվայի բաժանմունքի անդամ։
Առաջին համաշխարհային պատերազմի սկզբում Անտոնինա Ռժևսկայան տեղափոխվել է Տարուսա՝ իր փեսայի՝ հետագայում հայտնի քանդակագործ և նկարիչ-անիմալիստ Վասիլի Վատագինի մոտ, ով Հնդկաստանում կատաճար ճանապարհորդությունից հետո սեփական նախագծով տուն էր կառուցում Տարուսայում։ Առաջին կնոջ՝ Անտոնինա Ռժևսկայայի ավագ դստեր մահից հետո Վասիլի Վատագինն ամուսնացել է նրա երկրորդ դստեր հետ[2]։
1920 թվականից Անտոնինա Ռժևսկայան նկարիչ-պերեդվիժնիկ Նիկոլայ Կասատկինի հետ միասին, ով նկարչական-լուսավորական ստուդիա էր բացել ոսկրային տուբերկուլյոզով հիվանդ երեխաների համար, աշխատել է Կուրկինո գյուղի (1940 թվականից՝ Մոսկվայի մարզի Խիմկի շրջանում) «Զախարինո» առողջարանում։ Հատուկ առողջարանի համար Անտոնինա Ռժևսկայան նկարել է «Երեխաները կյանքի ծաղիկներն են» (ռուս.՝ «Дети — цветы жизни»)[8] որմնանկարը։
Անտոնինա Ռժևսկայան մահացել է 1934 թվականի հուլիսի 15-ին, թաղված է Տարուսայի քաղաքային գերեզմանատանը, որտեղ թաղված են նաև Մարինա Ցվետաևայի դուստրը՝ Արիադնա Էֆրոնը, Կոնստանտին Պաուստովսկին ու նրա ընտանիքը[9]։
Պատկերասրահ
խմբագրել-
«Երաժշտություն» (1903), Նիժնի Տագիլի կերպարվեստի թագարան -
Լյուբով Վիտոլդովնա Բյալինիցկայա-Բիրուլյայի դիմանկարը (1930-ական թվականների սկիզբ), մասնավոր հավաքածու -
«Աշուն» (1901), Ռուսական պետական գրադարան -
Նինա Անենկովա-Բեռնարի «Հանդիպում ժանապարհին» պատմվածքի նկարազարդումներից (1901), Ռուսական պետական գրադարան -
Նինա Անենկովա-Բեռնարի «Հանդիպում ժանապարհին» պատմվածքի նկարազարդումներից (1901), Ռուսական պետական գրադարան
Ծանոթագրություններ
խմբագրել- ↑ Рогинская Ф. Г. Список членов Товарищества передвижных художественных выставок // Товарищество передвижных художественных выставок. — М.: Искусство, 1989. — 429 с. — 30 000 экз. — ISBN 5-87685-054-3
- ↑ 2,0 2,1 2,2 2,3 2,4 Ватагина И. В. О тех, кого помню и люблю // Московский журнал. История государства Российского : журнал / Грубее А. А.. — М.: ГУП «Редакция журнала «Московский журнал. История государства Российского», 2001. — № 5, май.
- ↑ 3,0 3,1 3,2 Бiографическiй очеркъ. Портретъ. // Сборник на помощь учащимся женщинам = Сборникъ на помощь учащимся женщинамъ. — М.: Типо-литография Т-ва И. Н. Кушнерёв и Ко, 1901. — С. 161. — 386 с.
- ↑ 4,0 4,1 РЖЕВСКАЯ, Антонина Леонардовна. — Большая советская энциклопедия (В 51 томах). Изд. 2-е. — М.: Государственное научное издательство «Большая советская энциклопедия», 1955. — Т. 36: «Раковник — Ромэн». — С. 462. — 672 с. — 300 тыс. экз.
- ↑ 5,0 5,1 «Горящее сердце» (ռուսերեն). Православие и мир. 5 мая 2008. Արխիվացված է օրիգինալից 2012 թ․ ապրիլի 18-ին.
- ↑ Абалихина Анастасия Настоящая православная праведница // Газета «Церковный вестник». — М.: Издательство Московской Патриархии, 2008. — № 7 (380) апрель.
- ↑ «Тарусская картинная галерея» (ռուսերեն). Калужский Областной Художественный Музей. Արխիվացված օրիգինալից 2012 թ․ ապրիլի 18-ին.
- ↑ «Никольское». Портал города Химки (ռուսերեն). Արխիվացված է օրիգինալից 2009 թ․ ապրիլի 29-ին.
- ↑ «Прогулка по Тарусе» (ռուսերեն). портал Таруска.ру. Արխիվացված օրիգինալից 2012 թ․ ապրիլի 18-ին.
Արտաքին հղումներ
խմբագրել- «Ржевская Антонина Леонардовна в Галерее издательства «Белый Город»» (ռուսերեն).(չաշխատող հղում)
- «Ржевская (Попова) Антонина Леонардовна на сайте Artru.info» (ռուսերեն). Արխիվացված է օրիգինալից 2012 թ․ ապրիլի 18-ին.
 | Վիքիպահեստն ունի նյութեր, որոնք վերաբերում են «Անտոնինա Ռժևսկայա» հոդվածին։ |