Sirkelgrafiek

'n Voorbeeld van 'n sirkelgrafiek.

'n Sirkelgrafiek of sirkeldiagram is 'n tipe kaart met die vorm van 'n sirkel. Dit bied die verhouding tussen verskillende dele van die data aan. 'n Mens kan maklik die grootste of kleinste deel van die totale data sien deur bloot na die sirkelgrafiek te kyk.

'n Sirkelgrafiek is 'n maklike manier om die uiteensetting van persentasies van 'n totaal te visualiseer. Hulle is nuttig vir die analise van opnames, statistieke en die bestuur van geld en inligting. En dit is 'n uitstekende visuele voorbeeld om data aan ander mense te verduidelik, of jy nou 'n skoolprojek, 'n werkaanbieding of verkoopsyfers vir jou kliënte doen.

Bronne

• (af) hoe om 'n sirkelgrafiek te maak