ايس كريم
| ||||
|---|---|---|---|---|
 | ||||
| المكونات الرئيسية | لبن ، واشطه [1]، وسكر [1] | |||
تعديل  |
||||
ايس كريم Ice cream من اصل انجليزى: Ice cream او چيلاتى من اصل طليانى: gelati جمع و gelato مفرد يعنى حلويات متلجه معموله من لبن و اشطه او زبده و سكر او عسل , و غالبن بيتحط معاهم شربات او عصير فاكهه زى مانجه و فراوله او ڤانيليا او كاكاو او بن او فزدق او نكهات تانيه .
اسمه
[تعديل]- بالمصرى چيلاتى و ايس كريم
- بالانجليزى ice cream
- بالايطالى gelato مفرد و gelati جمع
تاريخ
[تعديل]- الچيلاتى معروف من زمان اوى فى البلاد اللى بينزل فيها تلج فى الشتا بخلط تلج و لبن و اشطه و عسل
- بعد اختراع صنع التلج بئا ممكن يتعمل چيلاتى فى اى بلد اى فى وقت من السنه
- بعد اختراع التلاجات و الديب فريزرات بئا ممكن يتعمل چيلاتى فى البيوت
- اللى عمل اشهر محل چيلاتى فى مصر كان السويسرى جاكومو جروبى صاحب محلات جروپى Groppi .
مكونات ايس كريم
[تعديل]- لبن و سكر و شربات او عصير فاكهه زى مانجه او فراوله او ڤانيليا او كاكاو او بن او فزدق او نكهات تانيه
- بيضيفو له اشطه milk cream او زبده butter او مستكه mastic او كسترد custard او چيلى jelly عشان يمط
كلو كلو Clu Clu
[تعديل]كلو كلو يعنى ايس كريم فى بسكوته شكل مخروط عليه شوكولاته . اغلبه بيكون كاكاو و ڤانيليا لكن ممكن انواع تانيه . بالانجليزى ice cream cone و بالايطالى gelato cono مفرد و gelati cono جمع
سوفت كريم Soft cream
[تعديل]سوفت كريم يعنى ايس كريم طرى فى بسكوته شكل مخروط يعنى cono بالايطالى و cone بالانجليزى لازم يكون طرى عشان ينفع يطلع من مكن ثابت او متنقل فبيكترو فيه المواد اللى بتخليه طرى
جرانيتا Granita
[تعديل]جرانيتا يعنى چيلاتى سكر و عصير لمون و شربات او عصير فاكهه زى برتقان او مانجه او فراوله . ممكن اضافة مربا او حتت فاكهه زى فراوله . ممكن اضافة كاكاو او بن او غيره .
ستيك Stick
[تعديل]ستيك يعنى چيلاتى جرانيتا او ايس كريم حوالين عصايه stick. بيسموه بالانجليزى الامريكانى ايس پوپ ice pop من ايس كريم ice cream و مصاصه lollipop
ايس كريم سندوتش Ice cream sandwich
[تعديل]ايس كريم سندوتش يعنى ايس كريم بين بسكوت او شوكولاته
تورته چيلاتو Torta Gelato
[تعديل]تورته چيلاتو يعنى كيك زى پانتيسپانيا pan di spagna او كيك اسفنجى فوقه چيلاتى شكل تورته
بيعه
[تعديل]بيتباع فى محلات او عربيات ايد او عربيات ببسكليتات او بموتوسيكلات او ڤان van بالانجليزى او ترك truck بالانجليزى الامريكانى
غرفه
[تعديل]بيتغرف بمعلقه مخصوصه اسمها سكوپ فيها حته متحركه لتفريغه لكن ممكن يتغرف بمعلئه او كرنيب
