Argayu
Un argayu (tamién conocíu como arba, argáu, arbada, ánigu, fana, argaxu, barranca, corredoria, farracada o frecha) ye una mena de movimientos xeolóxicos inestables que provoquen l'esmoronamientu d'una fana de tierra producíu por falta de sofitu. Suel tratase d'una cantidá más o menos descomanada de roques y tierra qu'esbarien pela rimada d'un monte.
L'argayu suel tener llugar dempués de fuertes torbisques o bastiaos, que faen que l'agua de lluvia caltrie na tierra, faciendo bolses d'agua que llueu, darréu de la presión y la erosión, provoquen el desplombe de tola fana de tierra. Son abondo peligrosos, y davezu los argayos afaren inclusive cases enteres qu'alcuentren nel so camín.
Otra mena d'argayos son los que tienen llugar na ñeve, éstos tienen el nome d'ádiga o ádene.
Referencies
[editar | editar la fonte]Enllaces esternos
[editar | editar la fonte]
Datos: Q167903
Multimedia: Landslides