Ermənistanın Mİ-24 vertolyotunun vurulması (2014)
| Erməni helikopterinin vurulması (2014) | |
|---|---|
 Ermənistan Respublikasına məxsus Mi-24 tipli helikopterin vurulma anı | |
| Ümumi məlumatlar | |
| Tarix | |
| Qəza səbəbi | Azərbaycan Silahlı Qüvvələri tərəfindən vurulub |
| Yer | Kəngərli kəndi yaxınlığında, Ağdam rayonu, Azərbaycan |
| Komanda | 3 nəfər |
| Yaralı sayı |
|
| Ölü sayı | 3 (sağ çıxan olmayıb) |
| Helikopter | |
| Helikopter modeli | Mil Mi-24 |
| Havayolu şirkəti | |
Erməni helikopterinin vurulması — 12 noyabr 2014-cü il 13:45 radələrində Ağdam rayonunun Kəngərli kəndi yaxınlığında Azərbaycan Silahlı Qüvvələri və Ermənistan Silahlı Qüvvələri arasında baş vermiş hadisə.
Hadisə
[redaktə | vikimətni redaktə et]
Silahlı insident 12 noyabr 2014-cü ildə Ağdamın Kəngərli kəndi yaxınlığında baş verib. Beləki, qondarma Dağlıq Qarabağ Respublikasına, daha dəqiq desək, Ermənistan Silahlı Qüvvələrinə məxsus 2 ədəd Mi-24 tipli döyüş helikopteri Ağdamın işğal olunmuş Uzundərə adlı poliqonunda keçirilən təlimlər zamanı qəflətən öz səmtini dəyişərək Azərbaycan Silahlı Qüvvələrinin təmas xəttinə doğru döyüş kursuna çıxıb və mövqeləri atəşə tutmağa cəhd ediblər.[1] Nəticədə Azərbaycan Silahlı Qüvvələrində müddətdən artıq hərbi xidmət keçən manqa komadiri İlkin Muradov helikopterlərdən birini İQLA daşınan zenit-raket kompleksi vasitəsi ilə məhv edib. Digər helikopter isə hadisə yerindən uzaqlaşıb. Hadisə nəticəsində Ermənistan Silahlı qüvvələrində xidmət keçən üç nəfər pilot həlak olub. Azərbaycan Respublikasının işğal olunmuş ərazilərində döyüş uçuşları keçirərkən məhv edilən hərbi helikopter Ermənistan Silahlı Qüvvələrinin İrəvan yaxınlığındakı "Erebuni" hərbi aerodurumunda dislokasiya olunan 15-ci helikopter bazasına məxsusdur[2].
Erməni tərəfinin iddiasına görə, noyabrın 12-də erməni hərbi helikopterinin düşdüyü yerdə 8 saatdan artıq intensiv döyüş davam edib və ermənilər helikopterin düşdüyü yerə yaxınlaşa və üç pilotun cəsədini çıxara bilməyiblər. Azərbaycan Müdafiə Nazirliyinin mətbuat xidmətinin rəhbəri polkovnik Vaqif Dərgahlı isə öz növbəsində bu iddianı inkar edərək bildirib ki, "erməni hərbi helikopterinin vurulduğu ərazidə və qoşunların təmas xəttinin digər istiqamətlərində intensiv döyüşlər getmir", "həmişəki kimi, atəşkəs pozulur". Ermənilər ümid edirdi ki, vurulmuş helikopterin ekipaj üzvlərindən birinin sağ qalması mümkün ola bilər.[3] Azərbaycan Müdafiə Nazirliyinin mətbuat xidmətinin məlumatına görə, helikopter Ağdam rayonunun Kəngərli kəndindən 1700 metr şimal-şərqdə vurulub və Ağdam rayonunun Çəmənli kəndi yaxınlığında, Azərbaycan mövqelərindən 500 metr aralıda Azərbaycan hərbçilərinin nəzarətində olan ərazidə düşüb, hadisə yerinə Azərbaycan Silahlı Qüvvələrinin texnika və şəxsi heyəti göndərilib.
Reaksiyalar
[redaktə | vikimətni redaktə et]- Azərbaycan Respublikası Müdafiə Naziri Zakir Həsənov helikopteri vuran manqa komandiri İlkin Muradovu 3-cü dərəcəli "Hərbi xidmətdə fərqlənməyə görə" medalı və qiymətli hədiyyələr ilə təltif edib.[4] Azərbaycan Respublikası Müdafiə Nazirliyi bundan sonra bu cür hallar təkrarlanarsa adekvat cavabların veriləcəyini açıqlayıb.
- Qondarma Dağlıq Qarabağ Respublikası prezidentinin sözçüsü David Babayan Azadlıq Radiosunun erməni xidmətinə vurulan helikopterdə 3 ekipaj üzvünün öldüyünü təsdiqləyib. O qeyd edib ki, vurulan helikopter hərbi əməliyyat keçirmirmiş. Həmçinin, Ermənistan müdafiə nazirinin sözçüsü Arçrun Ovanisyan isə öz facebook səhifəsində bu insidentə görə Azərbaycanı hədələyib.
- ATƏT-in baş katibi Lamberto Zannier Brüsseldə Avropa Parlamentinin Xarici əlaqələr komitəsində dinləmədə hadisənin münaqişənin kəskin qızışmasına təkan verə biləcəyini söyləyib.
Populyar mədəniyyətdə
[redaktə | vikimətni redaktə et]Əsgərlərin "Vur, komandir vur!" deməsi sosial mediada və KIV-lərdə "partlayış" edib.[5][6] Bəzi sosial media istifadəçiləri Facebook və Twitter şəbəkələrində əsgərlərin cümləsini #VurKomandirVur heşteqilə şərh ediblər.[7] 2015-ci ildə Bakıda "Vətənin müdafiəsinə hazıram!" mövzusuna aid sərgidə "Vur, komandir, vur" əsəri diqqət çəkən rəsmlərdən biri olmuşdur.[8]
Həmçinin bax
[redaktə | vikimətni redaktə et]- Azərbaycan Silahlı Qüvvələri
- Qarabağ müharibəsi
- Azərbaycan-Ermənistan atışması (2014)
- Azərbaycan Hərbi Hava Qüvvələri
İstinadlar
[redaktə | vikimətni redaktə et] | Bu məqalədəki istinadlar müvafiq istinad şablonları ilə göstərilməlidir. |
- ↑ "Erməni helikopteri rəsmi İrəvanın provokasiyalarının güdazına gedib - TƏHLİL". 2021-01-23 tarixində orijinalından arxivləşdirilib. İstifadə tarixi: 2020-03-07.
- ↑ "Müdafiə Nazirliyi: Məhv edilən Mi-24 döyüş helikopteri Ermənistan Hərbi Hava Qüvvələrinin 15-ci helikopter bazasına məxsusdur". 2014-11-15 tarixində orijinalından arxivləşdirilib. İstifadə tarixi: 2014-11-13.
- ↑ "Stepanakert: Qarabağın hava məkanı həqiqətən bağlıdır, lakin yalnız Azərbaycan HHQ üçün (Yenilənib)". 2014-12-06 tarixində arxivləşdirilib. İstifadə tarixi: 2019-08-23.
- ↑ "Düşmən helikopterini məhv edən hərbi qulluqçu mükafatlandırılıb". 2014-11-27 tarixində orijinalından arxivləşdirilib. İstifadə tarixi: 2015-02-16.
- ↑ "Yeni mahnı yazıldı: "Vur, komandir, vur..."". 2014-12-05 tarixində arxivləşdirilib. İstifadə tarixi: 2015-02-16.
- ↑ ""Vur, komandir, vur!"". 2015-05-08 tarixində arxivləşdirilib. İstifadə tarixi: 2015-02-16.
- ↑ ""O hadisədən sonra həyatın dəyərini anladım" - BRİFİNQ". 2015-01-08 tarixində orijinalından arxivləşdirilib. İstifadə tarixi: 2015-02-16.
- ↑ ""Vur, komandir, vur..."- Fotolar". 2016-03-08 tarixində orijinalından arxivləşdirilib. İstifadə tarixi: 2015-02-16.
Xarici keçidlər
[redaktə | vikimətni redaktə et]
Ağdamda Ermənistan helikopterinin vurulma anı — YouTube platformasında
- Helikopteri İQLA ilə vurduq Arxivləşdirilib 2014-11-18 at the Wayback Machine
- Ermənilər itkiləri açıqladı Arxivləşdirilib 2014-11-15 at the Wayback Machine
- Azerbaijan downs Armenian helicopter
 | |
|---|---|
| |
| |
|---|---|
| Qədim Dövr | |
| Orta Əsrlər | Pavlikanlar hərəkatı • Xürrəmilər hərəkatı • Rusların Qafqaz ekspedisiyaları • Monqolların Azərbaycana ilk yürüşü • Monqolların Azərbaycana II yürüşü • Monqolların Azərbaycana III yürüşü • Qızıl Ordanın Azərbaycana yürüşləri • Teymurilərin Azərbaycana yürüşləri • Şənbi-Qazan döyüşü • Kür döyüşü (1412) • Səncəq döyüşü • Otluqbeli döyüşü • Şəməsi döyüşü |
| Yeni Dövr | Səfəvi-Şirvanşahlar müharibələri • Cabanı döyüşü • Şərur döyüşü • Almaqulağı döyüşü • Səfəvi-Şeybani müharibələri • Mərv döyüşü • Səfəvi-Osmanlı müharibələri • Çaldıran döyüşü • Qoçhisar döyüşü • Vəkalət müharibəsi • Səfəvi-Osmanlı müharibəsi (1532-1555) • Səfəvi-Moğol müharibələri • Səfəvi-Moğol müharibəsi (1537-1544) • Səfəvi-Osmanlı müharibəsi (1578-1590) • Səfəvi-Osmanlı müharibəsi (1603-1618) • Sufiyan döyüşü • Səfəvi-Osmanlı müharibəsi (1616-1618) • Səfəvi-Osmanlı müharibəsi (1623-1639) • Səfəvi-Rusiya müharibəsi (1651-1653) • Don kazaklarının Səfəvilər dövlətinə yürüşləri (1667-1668) • Səfəvi-Rusiya müharibəsi (1722-1723) • Səfəvi-Osmanlı müharibəsi (1723-1727) • Səfəvi-Osmanlı müharibəsi (1730-1736) • Səfəvi-Osmanlı müharibəsi (1730-1732) • Osmanlı-İran müharibəsi (1743-1746) • Rusiya-İran müharibəsi (1796) • Gəncə qalasının işğalı • Rusiya-İran müharibəsi (1804-1813) • Sultanbud döyüşü • Aslandüz döyüşü • Rusiya-İran müharibəsi (1826-1828) • Şamxor döyüşü |
| Ən Yeni Dövr | Rus-yapon müharibəsi • Erməni-Azərbaycan müharibəsi (1905-1906) • Birinci Dünya müharibəsi • Gürcüstan-Ermənistan müharibəsi • Azərbaycan-Ermənistan müharibəsi (1918-1920) • Göyçay savaşı • Salyan döyüşü • Bakı döyüşü • Muğan hadisələri • Sarvan döyüşü • Yalama döyüşü • Aprel işğalı (Türkiyənin müdaxiləsi) • İkinci Dünya müharibəsi (Azərbaycan İkinci dünya müharibəsində) • Əfqanıstan müharibəsi (1979-1989) • Qarabağ müharibəsi • May hadisələri • Subtropik əməliyyatı • Naxçıvanda dövlət çevrilişinə cəhd • 4 iyun Gəncə qiyamı • 1995-ci il Azərbaycanda dövlət çevrilişinə cəhd • Qobustan qiyamı (1999) • Aprel döyüşləri • Günnüt əməliyyatı • Tovuz döyüşləri • İkinci Qarabağ müharibəsi |