Tırkmeni
Tırkmen (Tırkmenki: Türkmenler, Түркменлер) yew mıleto ke Tırkmenıstan û embıryananê cı de weşiya xo rameno. Çekuya Tırkmeni hetê rıçıki ra Tırk û peybendê Soğdki 'myn' ra yena pêra. Myn Soğdki de 'zey' moteno ke Tırkmen zi 'zey Tırki', 'merdımê ke zey Tırkanê' beno. Amarê Tırkmenan şeş milyoni ra zêdêro, kışta dini ra zi mısılmanê. Tırkmeni zıwanê xo de xo rê vanê Türkmen, pê alfabey Kirılki zi zey Түркменлер nusiyeno.
Zemanê veri de Tırkmenan rê Tırkomen (Turcoman) vaciyao, ewro zi taê zıwananê Ewropa de wıni benê name. Hetê etnocênetiki ra Tırkmeni hem Tırk hem zi İranıcê, şarê Tırk û İranıci kewtê têmiyan, Tırkmeni vetê.