Lyongo Arte Ederren Museoa
| Lyongo Arte Ederren Museoa | |
|---|---|
 | |
| Kokapena | |
| Estatu burujabe |  Frantzia |
| Frantziaren banaketa administratiboa | Metropolitar Frantzia |
| Eskualdea |  Auvernia-Rodano-Alpeak |
| Territorial collectivity of France with special status | Lyongo Metropolia |
| Frantziako udalerri | Lyon |
| Koordenatuak | 45°46′01″N 4°50′01″E / 45.7669°N 4.8336°E |
 | |
| Historia eta erabilera | |
| Irekiera | 1801 |
| Inaugurazioa | 1801 |
| Objetu kopurua | 72.673 |
| Bisitariak urtean | 333.835 |
| Kontaktua | |
| Helbidea | 20, place des Terreaux |
| Telefonoa | tel:+33-4-72-10-17-40 |
| Webgune ofiziala | |
Lyongo Arte Ederren Museoa (frantsesez: Musée des Beaux-Arts de Lyon) Frantzian, Lyon hiriko museo nagusia eta estatuko garrnatzitsuenetariko bat da. 1801tik aurrera zabalik — Louvre museoaren ondorengo lehenetarikoa — erakundeak pintura, eskultura, antigoaleko lan (egiptoarrak, greziarrak, erromatarrak, etruskoak eta Ekialdeko Europakoak), arte-objektu, txanpon, marrazki eta grabatuen bildumak erakusten ditu.[1]
Egoitza Saint-Pierre jauregian du; eraikin hau XVII-XVIII. mendeko komentua zen, hiri erdigunean, Terreaux plazan. Komentuaren espazio batzuk babestu dira, esaterako, kapera barrokoa.
Margolaritza
[aldatu | aldatu iturburu kodea]Pintura bildumak 35 areto betetzen ditu, ordena kronologikoan. Mendebaldeko pinturaren ikuspegi osoa eskaintzen du, XIV. mendetik gaur egunera arte. XVII. mendea, XIX. mendea eta XX. mendea dira bildumako garrantzitsuenak. Erakusketa kronologikoa da eta eskolak ez dira bereizita erakusten, Louvren edo Metropolitan Museumen bezala. Museoaren bilduma Jacqueline Delubac aktoreak 1998an egin zuen dohaintzaz aberastu zen.
Erakusten diren lanen artean azpimarratu daitezke Tintorettoren Danae eta Francisco de Zurbaránen Saint François d'Assise.
Eskultura
[aldatu | aldatu iturburu kodea]1300 eskultura-lan inguru ditu. Bere artean, XV eta XVI. mendeetako eskola italiarretako eskulturak ikus daitezke.
Antzinako artea
[aldatu | aldatu iturburu kodea]Egiptoko bildumak garrantzi berezia du (museoak 14 000 objektu egipziarrak ditu), bederatzi geletan erakutsita. Badira ere Erromako eta Antzinako Greziako lanak.
Dominak eta txanponak
[aldatu | aldatu iturburu kodea]Dominek museoa Frantziako bigarren garrantzitsuena bihurtzen dute (Frantziako Liburutegi Nazionalaren ondoren). 50.000 objektu inguru ditu, batez ere txanponak, dominak eta zigiluak. Bere ospea nazioartekoa da, eta XIX. mende hasieratik du toki nabarmena mundu numismatikoan.
Iruditegia
[aldatu | aldatu iturburu kodea]-
Danae, Tintorettoren margolana. -
Jean-Marie Jacomin, La Classe de peinture à l’école de dessin de Lyon (1817 ingurukoa). -
-
Edgar Degasen Danseuses sur scène (1889 ingurukoa). -
Claude Moneten Udaberria (1882).
Erreferentziak
[aldatu | aldatu iturburu kodea]Kanpo estekak
[aldatu | aldatu iturburu kodea]- (Frantsesez):Museoaren webgune ofiziala.