Sus scrofa domestica
El cerdu (Sus scrofa domestica) es una especii de mamíferu artiodáctilu de la família Suidae. Es un animal domésticu gastau ena alimentacion umana por angunas culturas. El su nombri científicu es Sus scrofa domestica, enque angunus autoris lo denominan Sus domesticus o Sus domestica, reservandu Sus scrofa pa el jabalí. Hue domesticau hazi unus 5.000 añus. S'alcuentra en abati tó el mundi. La destincion entri el cerdu silvestri i domésticu es chiquinina i en angunas partis del mundu (por ejemplu en Nueva Zelanda) el cerdu domésticu s'á conviltiu en cimarron. Los cerdus cimarronis puein causal dañus sustancialis al ecosistema. La família de los suidos tamien enclui alreol de 12 deferentis especiis del cerdu silvestri, crassificadas tamien embaju el géneru Sus.