柬埔寨
柬埔寨（高棉話：
），全名係柬埔寨王國，先頭叫高棉，係東南亞中南半島嗰一隻國家，首都係金邊（Phnom Penh），陸地面積大約177,000平方公里，人口超過1400萬，鄰國有泰國、老撾同到越南。
柬埔寨國王係西哈莫尼（Norodom Sihamoni，2004年10月開始在位），總理係洪玛奈（Hun Manet，2023年8月開始在位）。人口以高棉族最多，第二係越南人，第三係華人。
10世紀到13世紀，高棉族建立吳哥王朝，勢力範圍遍及大部份東南亞地區。最後因為拕許時間嗰泰國同越南圍攻，慢慢沉寂落唻。輾轉到19世紀，柬埔寨變做法國嗰殖民地；到第二次世界大戰爆發，柬埔寨又落入日本手上達一年幾嗰時間。戰後嗰1953年11月，柬埔寨宣佈獨立，不過接到又墮入赤柬極權統治、越南入侵、國家內戰等等困局，到90年代中後期先至開始恢復元氣。
由2001年到2004年，柬埔寨藉由成衣業同得旅遊業嗰強勁帶動，平均經濟發展率達到6.4%。2007年，經濟發展率更加係超過9%。不過，人口平均年齡比較細、教育水平比較低、冇什哩生產力，都係箇隻國家未來經濟發展嗰隱憂。