Camaleño

Camaleño
Localización
	43°09′07″N 4°41′32″O / 43.151944444444, -4.6922222222222
Estado	España
Comunidade autónoma	Cantabria
Capital	Camaleño (en)
Poboación
Poboación	969 (2024) (5,99 hab./km²)
Xeografía
Parte de	Mancomunidade de Liébana y Peñarrubia
Superficie	161,8 km²
Altitude	400 m
Comparte fronteira con	Cillorigo de Liébana ; Boca de Huérgano ; Posada de Valdeón ; Vega de Liébana ; Potes ; Cabrales
Organización política
• Alcalde	Oscar Casares Alonso (en)
Identificador descritivo
Código postal	39587
Fuso horario	UTC+01:00
Código INE	39015
Sitio web	aytocamaleno.org

Camaleño é un municipio situado no linde occidental da comunidade Autónoma de Cantabria (España), na comarca de Liébana. Limita polo sur con Vega de Liébana, polo leste con Potes, polo norte e leste con Cillórigo de Liébana, polo noroeste co concello asturiano de Cabrales e polo oeste cos municipios leoneses de Posada de Valdeón e Boca de Huérgano. Atópase no val homónimo, coñecido tamén como Valdebaró.

As actividades económicas principais de Camaleño son a gandaría, a agricultura e tamén o sector servizos, grazas aos visitantes que recibe esta pequena poboación pola súa situación no Parque nacional dos Picos de Europa, ademais da súa gastronomía e a seu patrimonio artístico.

Da actividade gandeira obtéñense os Quesucos de Liébana con Denominación de Orixe, e para a fabricación do augardente lebaniego recóllese o té do porto, nos portos de Áliva (Picos de Europa) a onde se sobe no popular teleférico de Fuente Dé.

Cabe destacar que Camaleño alberga o Mosteiro de Santo Toribio de Liébana, un dos cinco lugares santos da cristiandade; sendo unha Cidade Santa, por ter o que a tradición católica considera o maior cacho da cruz de Xesucristo.

O patrimonio natural, como xa se comentou, ten como gran protagonista os Picos de Europa, pero o concello tamén é atravesado polo río Deva, que nace no dito macizo montañoso e recolle as augas de varios afluentes ao seu paso por Camaleño.

Localidades

Areños, 53 hab. (2006, INE)
Argüébanes, 46 hab.
Bárcena, 18 hab.
Baró, 12 hab.
Beares, 4 hab.
Besoy, 8 hab.
Bodia, 10 hab.
Brez, 36 hab.
Camaleño (Capital), 46 hab.
Congarna, 15 hab.
Cosgaya, 47 hab.
Enterría, 1 hab.
Espinama, 128 hab.
La Frecha, 26 hab.
Fuente Dé, 7 hab.
Las Ilces, 12 hab.
Lon, 69 hab.
Los Llanos, 26 hab.
Llaves, 29 hab.
Mieses, Camaleño, 36 hab.
Mogrovejo, 46 hab.
La Molina, 18 hab.
Pembes, 68 hab.
Pido, 127 hab.
Quintana, 8 hab.
Redo, 14 hab.
San Pelayo, 21 hab.
Santo Toribio, 3 hab.
Sebrango, 10 hab.
Tanarrio, 30 hab.
Treviño, 10 hab.
Turieno, 98 hab.
Vallejo, 6 hab.

Núcleo de poboación

Camaleño é tamén o nome da localidade capital do concello. Atópase no río Deva, a unha altitude de 380 msnm. Dista 125 quilómetros de Santander, a capital da comunidade. Celebra a festividade da Virxe do Pilar (o 12 de outubro), cunha feira de gando. Da súa arquitectura destaca a casa dos Gómez de Enterría, onde pode verse un hórreo ben conservado e unha ermida moi rústica.

Patrimonio

Tres son os bens de interese cultural deste municipio:

O Mosteiro de Santo Toribio de Liébana, en Santo Toribio, con categoría de monumento.
O lugar de Mogrovejo, con categoría de conxunto histórico.
A Ruta Lebaniega, que enlaza o Camiño de Santiago da costa co Camiño Francés, con categoría de "outros" e que afecta, ademais de a este municipio, aos de San Vicente de la Barquera, Val de San Vicente, Herrerías, Lamasón, Cillorigo de Liébana, Potes, Cabezón de Liébana e Vega de Liébana.

Demografía

Evolución demográfica
1900	1910	1920	1930	1940	1950	1960	1970	1980	1990	2000	2007
2.686	2.492	2.591	2.587	2.701	2.526	2.236	1.807	1.402	1.327	1.101	1.100

Fonte: INE

Administración

Juan Manuel Guerra García (PRC), é o actual alcalde do municipio. As seguintes táboas amosan os resultados das eleccións municipais celebradas no 2003 e no 2007.

Eleccións municipais, 25 de maio de 2003
Partido	Votos	%	Concelleiros
PP	362	42 %	4
PRC	352	40,84 %	4
PSOE	123	14,27 %	1

Alcalde electo: Juan Manuel Guerra García (PRC).

Eleccións municipais, 27 de maio de 2007
Partido	Votos	%	Concelleiros
PP	340	40,52 %	4
PRC	335	39,93 %	4
PSOE	154	18,36 %	1

Alcalde electo: Juan Manuel Guerra García (PRC).

Véxase tamén

Ligazóns externas