Madrid Arena

Madrid Arena
Madrid Arena
Datos
Coordenadas	40°24′47″N 3°44′18″O
Localización	Madrid, España
Outros nomes	Telefónica Arena
Construción
Inauguración	Febreiro de 2002
Estadio
Superficie	30.000 m²
Capacidade	10.500 espectadores
Propietario	Ayuntamiento de Madrid
Operadora	Madrid Destino
Eventos
Madrid Open (tenis) (2002-2008) Eurobasket 2007
[ editar datos en Wikidata ]

O Madrid Arena, por motivos de patrocinio Telefónica Madrid Arena, é un pavillón multiúsos situado na cidade de Madrid (España), no recinto feiral da Casa de Campo, a poucos minutos do centro da cidade. Construído a partir do antigo Rockódromo, o pavillón foi deseñado para albergar eventos deportivos, comerciais, culturais e de lecer. O pavillón está patrocinado por Telefónica.

Construción e usos

Construíuse como parte das instalacións previstas para a candidatura olímpica Madrid 2012, prevéndose que albergase as competicións de baloncesto. A súa primeira fase estivo a punto en 2002, ampliándose o ano seguinte. Ten un aforamento máximo de 10.248 espectadores para partidos de baloncesto e 12.000 para combates de boxeo e 30.000 m² de superficie. A súa cúpula ten 11.000 m²; e atópase sustentada por unha estrutura tridimensional soportada en 181 chantóns. Conta cunha lumieira que pode abrirse, deixando pasar a luz natural. A fachada está constituída por unha dobre curva de vidro, de transparencia variable e gran lixeireza.

Interior do Madrid Arena (preliminares dun partido Estudiantes-Pamesa, 19 de novembro de 2005).

Distribúese en tres plantas (acceso, intermedia e baixa). A súa pista central conta con tres bancadas retráctiles, que permiten variar a súa superficie en función do tipo de acontecemento. O pavillón conta cun Pavillón Satélite, cunha superficie de 2.100 m². É propiedade do Ayuntamiento de Madrid e atópase xestionado pola Empresa Municipal Campo das Nacións. Dende 2002 até 2008, foi a sede do torneo de tenis Masters Series Madrid. O Club Baloncesto Estudiantes xogou os seus partidos no Madrid Arena dende a tempada 2005-2006 ata a 2009-2010. Asinou un contrato por cinco tempadas con opción a outro cinco. Foi unha das sedes do Eurobasket 2007 acollendo partidos da fase final do torneo.

Transportes

Metro de Madrid:

• Liña 6 (estación Alto de Extremadura)
• Liña 10 (estación de Lago)

Eventos celebrados no Madrid Arena

Eventos deportivos

• Masters Series de Madrid (dende 2002 até 2008)
• Sony Ericsson WTA Tour Championships (novembro de 2006)
• Campionato Europeo de Baloncesto de Seleccións Nacionais (2007)

Eventos musicais

• 09/11/2005 : Concerto de Backstreet Boys
• 14 e 15/04/2006: Festival electrónico Klubber´s Day
• 22/06/2006: Concerto de James Blunt
• 28/06/2005: Concerto de Green Day
• 15/09/2006: Concerto de Ana Torroja
• 03/09/2006: Concerto de Alejandro Fernández
• 01/12/2006: Concerto de Violadores del Verso e Tote King
• 06 e 07/04/2007: Festival Electrónico Klubber´s Day
• 10/05/2007: Concerto de La Oreja de Van Gogh, Dover e Coti
• 14/05/2007: Concerto de Marea e La Renga
• 07/06/2007: Concerto de Malú
• 15/09/2007: Concerto de Violadores del Verso
• 01/12/2007: Concerto de Pereza
• 23/12/2007: Concerto de Spice Girls no marco da súa xira "The Return Of the Spice Girls"
• 14 e 15/03/2008: Festival electrónico Klubber´s Day
• 28/04/2009: Concerto de Laura Pausini
• 2010: Festival Cultura Urbana
• 6 a 13/07/2011: ópera San Francisco de Asís, de Messiaen, da temporada do Teatro Real
• 1/11/2012: Thriller Music Festival, coa actuación de Steve Aoki

Accidente de Halloween de 2012

O 1 de novembro de 2012 ás 4:00 da madrugada (hora local) produciuse un tapón durante unha festa de música electrónica na que se celebraba un concerto de Halloween, co resultado de catro mozas falecidas (dúas no recinto, a terceira ao chegar ao hospital e a cuarta, menor de idade, aos 3 días) e unha máis ferida en estado crítico. Nun principio, sinalouse o lanzamento dunha bengala dentro do pavillón como posible causa, que causaría o pánico. Finalmente esta hipótese foi descartada xa que a bengala acendeuse 20 minutos logo da avalancha mortal.

A pesar do incidente, a festa continuou ata as 06:30 (hora local), xa que a policía decidiu non intervir para evitar escenas de pánico ou protestas que deviñesen nunha traxedia maior.

Investigación do caso

Diversas fontes entre os que se atopan asistentes, mozos que traballan como relacións públicas de Madrid e o propio Dj que actuaba esa noite parecen indicar que o problema foi o posible exceso de aforamento (aseguran que había 20.000 persoas nun recinto de 10.000) e que moitos dos que entraron fixérono sen identificación e sen ter a idade mínima legal (de 18 anos) para entrar. Este é un dos aspectos principais que investiga a policía. Ademais alegan que non había ningún tipo de rexistro á hora de entrar, polo que a xente puido entrar con bengalas, botellas de alcol e ata navallas. É moi posible, segundo a investigación policial, que unha masa de xente sen entrada se coase no recinto descontroladamente, pouco antes do comezo da actuación principal, motivando o exceso de persoas no corredor de acceso.

Algúns medios de comunicación apresuráronse en afirmar que a empresa promotora do concerto (Diviertt S.L.) non podía alugar o recinto porque tiña débedas coa Seguridade Social, aínda que o alugueiro é un negocio expresamente excluído dos requisitos da Lei de Contratos do Sector Público, polo que este é outro dos asuntos que deberán arranxar os tribunais.

Por outra banda, algúns medios afirmaron que o Madrid Arena nunca tivo licenza de apertura ao non reunir os requisitos de seguridade. A este respecto tanto o Concello como o Colexio de Arquitectos indicaron que a Lei do Chan da Comunidade de Madrid, no seu artigo 151, permite aos Concellos non ter que pedirse licenza a si mesmos, sen que iso supoña que os edificios non cumpren a normativa.

Por outra banda, o empresario de eventos e dono de Diviertt Miguel Ángel Flores tamén abriu en varias ocasións a discoteca Adraba (anteriormente coñecida como «Alcalá 20») sen licenza. Finalmente, obtivo licenza para a sala no Tribunal Superior de Xustiza de Madrid, que obrigaron ao Concello, que lle esixía importantes melloras de seguridade, a concederlle licenza e permitir a apertura.

Véxase tamén

Ligazóns externas

• Sitio oficial do edificio (en castelán)