Rafael Yunta

Rafael Yunta

Nome orixinal	Rafael Yunta Navarro
Biografía
Nacemento	4 de abril de 1920 Ocaña, España
Morte	18 de xullo de 2011 (91 anos)
País de nacionalidade	España
Actividade
Ocupación	futbolista
Deporte	fútbol
Posición de xogo	Centrocampista
Traxectoria   Equipo –   Real Madrid CF

Rafael Yunta Navarro, nado en Ocaña (Toledo) o 4 de abril de 1920 e finado en León o 18 de xullo de 2011, foi un futbolista e adestrador de fútbol español. Xogaba de centrocampista.

Traxectoria

Como xogador

Comezou a xogar despois da Guerra Civil, no Toledo, despois ficha polo Real Madrid onde militaría catro anos tendo un papel moi importante pola banda dereita.

Despois de xogar cedido en Portugal ficha polo Real Valladolid onde unha lesión acabou coa súa carreira.

Como adestrador

Ademais de moi boas campañas na Cultural Leonesa e no Calvo Sotelo, en Primeira División adestrou ao Real Valladolid e ao Pontevedra CF, sendo o primeiro técnico que levou ao equipo granate á máxima categoría.

Do Pontevedra pasou ao Celta de Vigo na tempada 1965–66 co obxectivo de ascender a Primeira División, en Vigo tras reconfigurar totalmente o equipo, no que contaría con xogadores como Abel Fernández ou Rivera, so conseguiu entrar na promoción de ascenso, na cal caería eliminado ante o Sabadell por 2-0 e 0-0.

Ao ano seguinte e pese a que no club contaban co adestrador toledano, Rafael Yunta decide non continuar e fichar polo Calvo Sotelo, sendo substituído no equipo vigués por César Rodríguez Álvarez.

Faleceu en León aos 91 anos de idade no mes de xullo de 2011.

Véxase tamén

Ligazóns externas

• Berto V. T. (24 de agosto de 2011). "Rafa Yunta". Yo entrené al Celta (en castelán).